الخميس، 22 سبتمبر، 2011

الثورة واجعاني !!

قصيدة ألفتها :) عن فلول الحزب الواطي .. قصدي الوطني .. والمجلس العسكري والماسونية وكده :)
الثورة واجعاني
في كلام كتير مختلق بيخش في وداني
ويقولوا : حقي اتسرق من ثورة نسواني !!
قال إيه دي ثورة إيران وبدعم إخواني
قال دي ثورة شباب .. بوظان وإدمانِ
وبنات بتوع إنحراف وشقق في دور تاني
إشاعات وخانقاني .. في أفراحي وأحزاني
ناقص يقولوا بكل جرأة و ع الملأ : حسني مبارك برئ والشعب .. شرّاني !!


يا واد بتاع تفكير my self يا أناني
لو كانت الثورة تنظيمها إيراني
وشبابها دول مدمنين .. والصنف أفغاني 
لو كان ماسوني وائل غنيم .. أو حتى شيطاني 
فأنا بشكره من القلب .. وانا قلبي عنواني
وانا حقي منك راح أخد بس بالقانون
هاخده من العسكري .. وأنا عارفه حقّاني
ده وَعَد هينصر بلدنا ع النظام تاني ،،
يا حضرة العسكري .. يا حامي بلداني
عشمتني بالحلق خرمت أنا وداني
فلا جبت إنت الحلق ولا سبت أنا وداني
لا جبت إنت الحلق ولا سبت انا وداني
إلحقني يا عسكري .. الثورة واجعاني
الحقني يا عسكري ده الثورة واجعاني
أحمد عثمان :)
دمتم ،،

Share/Bookmark

ليست هناك تعليقات:

rss