السبت، 3 سبتمبر، 2011

جولة عبر الإنترنت - مواقع مفيدة ( الجزء الثاني :)

هاآايوز :)
بعد النجاح الي مش ساحق الي حققته التدوينة الأولى

وعلى فكرة دي أكتر تدوينة واخدة زيارات :)

وبعد رغبة الجماهير :) حلوة الجماهير دي في عمل جزء تاني 

ده الجزء التاني !


أكمل قراءة التدوينة بقى وشير :)

اعمل مقطع فيديو كرتوني للمشاهير والسياسين بنفسك :)
كتير بنشوف فيديوهات على يوتيوب أو فايسبوك .. صور كرتونية لمشاهير بتتكلم وبتغني وبترقص وبتعمل كل حاجة :)
النهاردة ممكن تعمل الفيديو ده بنفسك وكمان مش هتحتاج تعمل آبلود في يوتيوب أو غيره
رابط الموقع : anmish.com
-------------------------------------------------------------------------
ناطق النصوص !
الموقع ده ممكن تكتب فيه أي جملة أو فقرة وينطقها .. متوفر بأكثر من لغة منها اللغة العربية ..
كل الي بتعملها إنك بتختار اللغة والصوت وتكتب النص وتضغط على 
listen
وممكن تنزل الملف الصوتي على جهازك :)
رابط الموقع : acapela-box.com
-------------------------------------------------------------------------
تحويل الصور الى نصوص ( بطريقة مختلفة :)

المرة الي فاتت كان في موقع بيحول أي صورة لصورة مكونة من حروف .. بس كانت بتبقى أبيض وأسود .. الموقع ده بيعيد رسم الصورة بمجموعة كبيرة من الحروف والألوان
رابط الموقع : textify.it
-------------------------------------------------------------------------
تجارب ! حيث التجربة خير برهان
فكرة الموقع مميزة جدا جدا جدا .. كل واحد بيحط تجاربه من غير تسجيل .. وبطريقة بسيطة وسهلة والهدف تجميع أكبر عدد ممكن من التجارب .. تفيد زوار الموقع .. يعني ممكن قبل ما تعمل حاجة تدور عليها في تجارب .. وهتستفيد .. وعلى رأي المثل _ إسأل مجرب ومتسألش حكيم ! _

رابط الموقع : www.tagarub.com
-------------------------------------------------------------------------
الرسم بالصلصال !
فجأة إتفاجأت :) إني ماتكلمتش عن الموقع ده في التدوينة الي فاتت .. مع إني كنت متأكد إني حطيته ( الزهايمر بقى عامل شغل )
المهم ،، الموقع ده بيخليك ترسم شخصية من الطين الصلصال .. وبيوفر ملابس وإكسسوارات للشخصية الي هتصممها :)ممكن بعد كده تعملها صورة ليك في فايسبوك أو تويتر :)
رابط الموقع : www.clayyourself.com
-------------------------------------------------------------------------
إقتباس جديد
الموقع فكرته إنه بيديك كل يوم حكمة أو مثل عربي مميز :)
مش محتاج شرح بتهيالي :)


رابط الموقع : www.new-quotation.com
-------------------------------------------------------------------------
عرب شير ( أفضل موقع رفع عربي )
النت فيه الآلاف من مواقع رفع الصور والملفات .. لكن الموقع ده بجد وعن تجربة هو أفضل موقع لرفع الصور ..
في إمكانية الرفع المتعدد ( خمس صور مع بعض ) وممكن تكتب على الصورة أو تغير حجمها أثناء الرفع .. غير كده الصورة مش بتتمسح أبداّ .. بجد تحفة
رابط الموقع : www.arabsh.com
-------------------------------------------------------------------------
حاولت أدوّر على مواقع أكتر ملقتش :( النت مش بتنزله مواقع مميزة بالسرعة دي
أتمنى أكون أفدتكم .. التدوينة الجاية هتبقى خدمات فيسبوك .. لاني ملّيت من الصفحات الي بتقولك إعمل لايك وهتنزل برنامج كذا
هجيبلكوا كل البرامج والخدمات متجربة ومش محتاجة أي لايك أو خلافه ..

لو عجبك الموضوع كومنت وشير :)

دمتم ،،

Share/Bookmark

ليست هناك تعليقات:

rss