الجمعة، 23 ديسمبر، 2011

والله إنهم لمفشوخون !

واللهِ إنهم لمفشوخون !
أكتب بالعربية .. ليس لأنني أريد ذلك .. ولكن قد قرأت أنه من المفيد أن يكتب المرء بلغته الأصلية بين الحين والآخر ..
حسنا ، أسلوبي بسيط .. فقير المعاني .. مكرر الكلمات .. كثير " الغلطات " .. مبتذل " الإفيهات " .. " مشتلب الفلنكات " .. ولكنه يفي بالغرض بأية حال ..
مجرد كلام مفهوم من أحمق آخر يظن أنه قد فهم السياسة ..  
أنا لا أدّعي هذا ولكنني أحاول على الأقل أن أقنع نفسي بأني قد فهمت أنني لن أفهمها أبداً ..
هي حفرة واسعة ..
 تشبه الأخدود نوعا ما .. !! 
مليئة بأشياء لا أستطيع ذكر إسمها إحتراما للغتي التي أكتب بها ولشعور القارئات :)
 كانت السياسة لعبة السياسيين منذ آلاف السنين .. وهذا شيء بديهي لا أعلم لماذا كتبته .. ولكنه الكسل وحده يمنعني من مسحه .. حسنا لن أمسحه .. فلننتقل إلى السطر التالي ! ،،
كانت السياسة لعبة السياسيين منذ آلاف السنين .. كانت تشُّد كل من يمتهنها إلى أبشع الأفعال والتصرفات .. لديكم فرعون على سبيل المثال وظلمه لبني إسرائيل ، أبرهة الحبشي وقبيلة قريش ، الحاكم بأمر الله ، هتلر والمحرقة النازية ، الخديوي إسماعيل وجنود المصريين ، شارون وشعب فلسطين ، جورج بوش والعراق ، معمر القذافي وثوار ليبيا ، وأخيرا وليس آخرا .. المجلس العسكري !

قبل الثورة كنا نعاني من رجل سلبنا جميع حقوقنا ، واصبحنا في حضرته أشبه بمجموعة من الجرذان تقف عاجزة أمام قط شرس ، كان كل شيء بثمن ، والثمن باهظ ، حتى الهواء النقي كانت تحتكره مجموعة من رجال الاعمال وأعضاء مجلس الشِعب ( بكسر الشين ) ، حتى الكلام كان له ثمنه ، كان هذا الرجل موقن أننا قد إعتدنا الصمت وفوضنا الأمر لله وآثرنا الصبر .. لم يكن يتوقع أن تكون هناك بواقي للحرية في دمائنا ، لم يكن يتوقع أن تستيقظ كرامة المصري بعد كل هذه السنين من الإهانة والذل والفقر والفساد و " القرف " .. وحدث ما حدث .. ثار الشعب الحر .. وإجتمع الفرعون باعوانه ليجد حلا سريعا لهذه المصيبة التي حلت على " دماغ أهله " .. أفترض أنا أن حلا سريعا قدمه المشير طنطاوي .. الذي كان تلميذا لمبارك عشرين سنة قد نفذوه حرفياً ، سوف يرسل مبارك جنوده ليبيدوا الثوار ، ويرسل المشير جنوده لحمايتهم ، الثوار الذين قد إفترضوا حسن النية قد إنطلت عليهم  الحيلة ، وأخذوا يهتفون ببساطة وتلقائية " الجيش والشعب .. إيد واحدة " .. وبهذا إستطاع مبارك أن يذيع خطاب التنحي بلسان نائبه .. " وكلف المجلس الأعلى للقوات المسلحة بإدارة شئون البلاد " .. ورحب الثوّار بالأمر .. وأخذت الوعود تنهال عليهم .. الوعود الكاذبة .. كان من المفترض أن يكون لنا رئيس منتخب وحكومة وبرلمان خلال ستة أشهر .. وبعد ستة أشهر أصبح لدينا المزيد من الفقر .. المزيد من الفساد .. المزيد من الجرحى .. المزيد من الشهداء .. والمزيد المزيد من الوعود .. حتى أدركنا ذلك المخطط ..

قبل الثورة كنا نعاني من رجل سلبنا جميع حقوقنا .. الآن نعاني من تسعة عشر رجلا يسلبوننا ما تبقى من حقوق :(
خرج الثوار وبحسن النية ذاتها طلبوا بمنتهى الأدب .. رجوع ذلك المجلس إلى ثكناته .. وتعيين حكومة إنقاذ وطنية تاتي برئيس منتخب خلال ستين يوماً .. لا أرى في تلك المطالب ما يشين ..

ولكن معاملة المجلس لها على أنها شرك بالله قد زادت الطين بلة .. فمذبحة محمد محمود الغير مبررة بالمرة ، وأحداث مجلس الوزراء التي شوهت مفهوم العسكرية ، ووضعتها في صورة لن ينساها التاريخ ، وسحل و تعرية فتاة مصرية من ملابسها بغض النظر عن إتجاهاتها أو ما كانت تفعله هناك ، وضرب إمرأه عجوز على رأسها بالشوم ، كل هذه الجرائم لن نتناقش حولها في إطار من فعل ؟! ومن المتسبب ؟! .. نحن نعلم إن المجلس العسكري هو من فعل هذا .. هذا يجعلني أوجه رسالة لكل من رضي بذلك العار .. لكل من رضي بحكم المجلس العسكري وهو يعلم أنه موقن بإرتكابه تلك الجرائم الشنيعة .. رسالة أوجهها لكل من في ميدان العباسية .. والله .. والله .. والله إنهم لمفشوخون !

( ملحوظة : لم أكتب كثيرا لأنني لاحظت أن أسلوبي تحول من درجة " بسيط " إلى درجة " سيء " أو " ركيك " .. لا أحب هذا .. إذا أعجبتك التدوينة قم بمشاركتها مع أصدقائك عبر الأداة في الأسفل على اليسار .. أنت تعرف كيفية مشاركتها .. وقم بالتعليق .. أعتقد أنني سألقي يمين الطلاق يوما لأثبت لكم أن تلك التعليقات تجعلني أشعر بشعور رائع .. لا تحرموني منها أرجوكم :)
( ملحوظة أخري : إذا كنت تعتقد أن ما كتبته كثير فعلا فأنت في وضع لا تحسد عليه ، القراءة رائعة يا صديقي لماذا لا تحبها ؟! )
أعتقد أن الكلمة الوحيدة التي لن تتغير في هذه التدوينة عن باقي التدوينات هي .. دمتم ،،


Share/Bookmark

الخميس، 22 ديسمبر، 2011

وبمعنى أصح .. أ ح ا !




بعد ما مجلس العار والدمار وكل حاجة وحشة شفتها في حياتي قدر بنجاح يحرق المجمع العلمي الموجود في ميدان التحرير والي بالمناسبة أول مرة نسمع عنه .. وبعد ما قدر بنجاح اكبر منه يقنع حزب الكنبة والناس البسيطة الي كل معلوماتهم جاية من الإعلام المصري العرة .. بعد ما اقتنعوا إن ثوار التحرير هما الي ولعوا فيه عشان هما همج ورايحين يخربوا البلد وخلاص .. وبعد ما حزب الكنبة بقى غض طرفه عن كل الشهداء الي ماتو وعن كل الناس الي انضربت واتسحلت واتعرت وطلع عين أهلها .. لأ وقعد يبرر كمان للمجلس العسكري القتل والسحل وتطليع عين أهل الثوار الي اشرف منهم كلهم ..

أحب أقوله يا مجلس العار .. وأحب أقول كمان للفلول .. ولحسني مبارك مكان ما كان .. ولكل واحد راضي بالي بيحصل .. ولكل واحد لسا هيعبد المجلس العسكري ويقدسه أكتر من كده
بعد ما كتمتها في نفسي كتير أوي أوي أوي أوي يعني .. من أيام ماسبيروا وأحداث 18 نوفمبر ومذبحة محمد محمود .. وكل مليونية كان الناس بيقولوا إنها " بلطجة وتوقيف حال وتعطيل عجلة " .. ومع دم كل شهيد بيموت .. ومع أختي أو أمي إلى إتعرت في ميدان التحرير .. عروها كلاب الواطي الخسيس المشير ..

 أنا حقا أعترض .. و بمعنى أصح .. أ ح ا !
( ملحوظة : الجاهل الي لسا مفكر إن كلمة أ ح ا عيب يطلع من هنا ، والجاهل الي لسا مفكر إن أي خروج عن الحاكم حرام .. برده يطلع من هنا ، والفلول تتطلع من هنا ، وأي قذر موافق على القتل الي بيحصل يطلع من هنا ، والي شايف اني بغلط في الناس عالفاضي يطلع من هنا ، والمؤيد للمجلس العسكري يطلع من هنا ، والي مفكر اني مبعرفش اختلف وقليل الأدب يفكه من قلالة الأدب الي زيي ويطلع من هنا .. مش ناقصة )
( ملحوظة : الباقي يكملوا قراءة التدوينة ! )
أ ح أ إختصار : أنا حقا أعترض ( للأغبياء يعني :)


Share/Bookmark

السبت، 17 ديسمبر، 2011

طلع الفجر وذهب الليل !

شعر عن المجلس العسكري :)
( ملحوظة : قبل ما تقراها حاول تفتكر أغنية طلع الفجر وذهب الليل .. كده هتعجبك أكتر D: )


طلع الفجر وذهب الليل والتحرير زمجر
ومحمد محمود بنسايبه هو الي اتفنجر ..
والحزب الواطي الي مطاطي بيطبلطج ع الناس
والعسكر متّك معاهم ع الوتر الحساس ..
ضرب اخواتي وبردو بناتي ده معندوش احساس
ومنفض للشعب بحاله وعامل فيها حساس !
ورسالة من اللجنة بتنزل بعدين تتغير ..
وقنابل غاز سام متسرطن وحواوشي مغير !
وجنود الجيش فوق المجلس عمالة تصَيّر !
يرموا الي بيجي في إيديهم ضخما وصغير !
وفلول الوطني بتوع " يستر :( " عمالة تشير ؟!
دولا إيه الي منزلهم .. ناس ما هتتغير !
دولا شباب رجالة بجد وأحرار وبتوع دين
رفضوا يوالوا كلاب الظالم حسني وهو سجين ..
عرفوا إن مبارك ده خاربها حتى وهو قعيد ..
في سريره بيتحكم فينا .. وفرض إن إحنا عبيد !
كل دقيقية تعدي علينا بنفقد فيها شهيد ..
والحال طين أوي زي ماهوَ ومفيش أي جديد !
يسقط يسقط حكم العسكر .. قولها في كل مكان ..
عسكر مصر الدون العرة الي بيضرب نسوان !
يسقط يسقط حكم العسكر .. قولها مرة كمان ..
بس العسكر معذور بردو .. عذره مشيره جبان !
يا طنطاوي إنتَ كان ممكن تدخل في التاريخ ..
كان ممكن تبقى بطل قومي .. بس إنتَ بطيخ !
ساب الحرية والرحمة وبردك قتل الناس ..
وفلوس الشعب الي اتبقت شدّ عليها ترباس !
يسقط يسقط حكم العسكر كده م الباب للطأ ..
مش مستاهلة أشرحلك سببي .. نفسي تموت وتتطأ !!
يسقط يسقط حكم العسكر وإياك تسأل ليه 
دم الشهداء الي في رقبتك هيقولك عشان إيه ..
وحيات أمي الي هيسألني لهقوله أحيه !


( ملحوظة : لايك وشير وكومنت .. والنبي D: )

دمتم ،،

Share/Bookmark

الخميس، 15 ديسمبر، 2011

إزاي تغلط صح !

كلنا بنغلط :)
دي حاجة حقيقية بما لا يدع مجالا للشك إنها غلط !
مفيش إنسان مبيغلطش .. مفيش حد معصوم

كل واحد لازم يبقى ليه غلطة ..
والإنسان العاقل .. هو الي يغلطها صح =)

أكمل قراءة التدوينة :)
( ملحوظة : ملحق بالتدوينة تطبيق عملي وواجب منزلي ! )

Share/Bookmark

الأربعاء، 7 ديسمبر، 2011

إقتباسات عثمانية ! ( العثمانيات )


العثمانيات :\ زي الشوقيات كده .. حاجة واضحة يعني :D

أصل أنا بقالي أسبوعين كده القريحة ناقحة عليا وعمالة تطلع في حاجات كده ملهاش أي ستين لزمة ..

وأنا بطبعي بحب أضيع وقتي ووقت الناس في الحاجات الي ملهاش لزمة زي دي :D

يعني نصيحة مني متقراش التدوينة دي :\ هتضيع وقتك :(



لا تكمل قراءة التدوينة :P

Share/Bookmark

الجمعة، 25 نوفمبر، 2011

قصيدة مسيّلة للدموع ( بلا قافية )

أنا إتخنقت أوي من الناس بتوع عجلة الإستقرار الي عاويزنها تلف ..

مفيش على لسانهم غير خربتوا البلد ..

مبارك ده ظالم .. إنتوا خربتوا البلد ..
عاوزينوا يمشي .. إنتوا خربتوا البلد ..
مبارك مشى :D .. إنتوا خربتوا البلد ..
لا في الإستفتاء .. إنتوا خربتوا البلد ..
أه في الإستفتاء .. إنتوا خربتوا البلد ..
عاوزين رئيس .. إنتوا خربتوا البلد ..
متموتوش الناس .. إنتوا خربتوا البلد ..

وإسطوانة بقى إحنا خسرنا مش عارف إيه وإيه اتقفل وإيه متقفلش .. ومصر هتفلس في ربع ساعة وجراندايزر في الميدان والهبل ده !!

انا وانا قاعد في الحمام لوحدي بسمع صوت بيقولي ( إنت خربت البلد .. إنت خربت البلد .. إنت خربت البلد _ ضحكة شريرة _ ! )


أنا كتبت لهم القصيدة دي ..
وده كل ما جادت به القريحة من أفكار ( جتك نيلة يا قريحة دايما كاسفانا كده :D )
قصيدة مسيلة للدموع ( بلا قافية )

قصيدة مسيلة للدموع ..
ومش عامل فيها قافية ..

عشان غلط ..
يبقى الكلام هو الدروع ..
وبيتقتل ..
وبيترمي ..
بقنابل الغاز المميت ..
المسيّل للدموع ..

وأنا قاعد قال ايه يا حلولي .. 
كالأهبلِ يبحثُ عن قافية !
طب وهتعمل إيه القافية ؟!

أقسم بالله .. ملهاش لزمة ..
هتخلي القصيدة تستقر ؟!
ولا هتدور عجلة التنمية .. التنمية في الشعر ..
ويفيد بإيه الإستقرار ؟!

والكلمة مذلولة ،،
وبتتقتل وبتترمي في اكوام زبالة ..
وبتقع منها نقط .. 
وبتتفقع فيها نقط ..
ملعون أبو الإستقرار ..
ملعون أبوها القافية ..

قصيدة  مسيلة للدموع ..
ملهاش وزن ..
عشان مينفعش الكلام ..
يبقى طالع بإنكسار ..
يبقى نص الثورة تمت ...
والنص التاني ؟!
التحية لخير أجناد الأرض .. التتار !

وتقولي وزن ؟!
جرا إيه يا عم ..
ما تلم نفسك وإخفى من وشي الساعة دي ..
قال وزن قال ..
قال قافية قال ..
قال أمن قال ..


عجبتك ؟! :) معجبتكش ؟! :(
إعمل كومنت بردو ( إلا لو إنت فلول مش عاوز من شكلك حاجة :)

دمتم ،،

ملحوظة مهمة آخر ستمية وسبعين حاجة : أنا متعمد إن التدوينة مش منظمة عشان أنوه لإن النظام والإستقرار مش مهم طول ما مفيش حرية :)
وللي مش فاهم فكرة القصيدة ..
القصيدة معمولة بطريقة غير منظمة من غير اي قافية او وزن او مظاهر جمالية إحتجاجاً على كلام المجلس العسكري وفلول الحزب الوطني وبعض الناس الي بتقول إخلوا الميدان البلد بتضيع ...
لا البلد مش بتضيع ولا حاجة إنتوا بس بتستهبلوا :)

Share/Bookmark

الثلاثاء، 22 نوفمبر، 2011

لو الوريث إتسجن .. في غيره ألف وريث !

أنا كتبت جزء من القصيدة دي يوم 28 يناير .. والجزء التاني النهاردة :)


ماتت قلوب الناس
دورت ع الإحساس
فلقيته في العنبر
مقفول عليه بترباس
وعسكري ع الباب
بيأرمل العزاب
بيخلي كل الناس
تتمنى تبقى كلاب
وكلابها مسعورة
متصورين صورة
بياكلوا في لحمة بشر 
مش جنبها فاتورة
وفاتورة الثورة
ماضي عليه الجيش
دول نفذوا مؤامرة
ياكلوا بإيديها العيش
وإحنا نموت م الجوع 
أه يا عسكري مفجوع
وهمتنا إنك بتاعنا 
وإنت اساس بتوع
أسفين يا عم الرئيس
ياخي يشقفك أتوبيس
طالع على المزرعة
يقفلها بالترابيس
كل أما شعب يثور
تسرق يا خيّ النور
عاوز تكون الملك ؟!
الشعب مش زنبرك
يعد يقول يسقط
بعدين معاك يشترك
في مخطط التوريث ..
إحنا بقى المواريث ؟!
بدماغنا دي يا بشر
لو الوريث إتسجن 
فيه غيره تاني وريث
ولو والريث إتسجن 
يورثنا ألف وريث ،
دمتم ،،


Share/Bookmark

الاثنين، 21 نوفمبر، 2011

بأمارة إيه فيه تغيير ؟!



من يوم 11 فبراير وبتوع حزب الكنبة الي شايفين البلد واقفة عمالين يقولوا ارجعوا بيوتكوا ارجعوا بيوتكوا ولو المطالب متححقتش ابقوا انزلوا ..

من يوم 11 فبراير والناس دي مش على بقها غغير كفاية وخربتوا البلد ..
على أساس يعني إننا كنا عايشين في دبي ولا عايشين في لندن ..
ما الحال زي ما هو .. مهبب بنيلة ..
مفيش اي نوع من أنواع التغيير ..
بأمارة إيه فيه تغيير ..
بأمارة إيه فيه تغيير ؟!



كتبها عمرو أبو سمرة بتاريخ 17 نوفمبر :)http://www.facebook.com/Dr.AmrAboSamra




Share/Bookmark

إقتلني أسهل !


اقتلني أسهل
في وسط الأحداث المؤسفة الي في مصر دلوقتي ( الي أنا مؤيد ليها :) دايقني أوي القمع الي بيحصل ضد المتظاهرين في الميدان ..
والي مسيره ينتهي ..
لكن القمع الي موجود بيننا وفينا .. مش هينتهي أبدا إلا بوقفة يقفها كل واحد مع نفسه ..
القمع الفكري !!
كل واحد ليه وجهة نظر بيعتبر أي حاجة مخالفة ليها شرك بالله ،، وكأنه مثلا معصوم عن الخطأ ..
التدوينة عن الإختلاف .. عنوانها " إقتلني أسهل "
كتبها : " أحمد السليط " :)


Share/Bookmark

ثورة ثورة يا قاع الهامور !! ( إقتلوا سبونج بوب ! )

تدوينة جديدة .. مش بتتكلم عن الثورة المصرية في إطار ساخر .. مش هتتريأ ع الجيش .. مش بتقول عن الرئيس مبارك حاجة وحشة .. 
أو ببساطة .. هتعمل كل ده !



قاع الهامور للي مش عارف : المدينة الي بيعيش فيها سبونج بوب (bikini bottom) ..
وبالنسبة للي مش عارف سبونج بوب ..
 إنت مكنتش طفل ولا إيه !
اهو سبونج في الصورة تحت :)



لو عاوز تعرف الحوار ده كله ؟! أكمل قراءة التدوينة :)

Share/Bookmark

الأحد، 23 أكتوبر، 2011

ليبيا مش زي مصر !

ليبيا مش زي مصر يا عسل
ليبيا مش زي مصر .. موضوع شيق أوي ومعاه رسوم توضيحية :) بيتكلم عن كان إيه الي هيحصل لو القذافي متقتلش وعملوله محاكمة عادلة أو مش عادلة بقى ماهي محاكمة والسلام !!
كتب : إيمان دوالي :)
رسوم : كارلوس لاتوف - محمد توفيق - هاني صالح )

لقراءة الموضوع .. أكمل قراءة التدوينة :)


Share/Bookmark

الجمعة، 21 أكتوبر، 2011

فين منين يودي فين !! (حكاية ثورة :)

صدق أو لا تصدق .. وأنا ماشي في الشارع سمعت واحد بيقول "فين منين " عجبتني الكلمة .. وعملتها مطلع لقصيدة .. بتتكلم عن قصة الثورة المصرية في صورة ساخرة وفي الأخر توقع بسيط للمستقبل .. بس توقع متفائل شوية :)

لقراءة القصيدة أكمل قراءة التدوينة :)

Share/Bookmark

الخميس، 20 أكتوبر، 2011

مقتل القذافي :)

يوم 20/10/2011 سيسطره التاريخ ليعرفه العالم بعد ذلك بأنه يوم نهاية الطاغية معمر القذافي .. إلى مزبلة التاريخ ايها الطاغية


Share/Bookmark

الخميس، 22 سبتمبر، 2011

كلمات مش عيب ( كلام بنقوله ومش عارفين معناه :) ( الجزء 4 )

هاآيوز باللوز :) والملبن والجوز
كل فترة بتقابلني كلمات " مش جديدة :) " بنقولها كتير لكن مش عارفين معناها .. الموضوع خلاص بقى بره إنها كلمات عيب أو مش عيب .. بس أنا مجرد بحافظ على الإسم

هتكلم النهاردة عن كلمات بنقولها كتير .. لكن مش عارفين معناها .. أو حتى عارفينه غلط .. ولو حد كان عارفه يعمل لاآيك بردو :) مش هتخسر حاجة :) :) :)

هتكلم عن : ( يا خراشي - فشار - بلطجي - كشري - معلش - يا عيب الشوم )




Share/Bookmark

الثورة واجعاني !!

قصيدة ألفتها :) عن فلول الحزب الواطي .. قصدي الوطني .. والمجلس العسكري والماسونية وكده :)

Share/Bookmark

الاثنين، 19 سبتمبر، 2011

سأتقي الله في مبارك !!


بسم الله الرحمن الرحيم

في 19 مايو من سنة 2009 .. إتوفى حفيد الرئيس المخلوع حسني مبارك .. يومها طوائف الشعب كلها تعاطفت معاه .. وأنا كنت منهم .. مع إني يومها لما فكرت بالعقل لقيت إن مبارك مش تعاطف مع أي حد من الي ماتو في العبارة أو في أي حدث تاني من الاحداث المؤسفة الي كانت بتحصل في مصر وبيروح ضحيتها عشرات المصريين .. وكانت نفس السنة الي اتعملي فيها ملف في أمن الدولة وأنا لسا في إعدادي عشان قلت قصيدة عبّرت فيها عن رايي في الفساد الي في البلد .. ومع كده فضلت متعاطف مع مبارك ،،
السؤال .. المفروض أبقى متعاطف مع مبارك دلوقتي وهو بيتحاكم والناس بتعامله بالطريقة الصعبة دي ؟!

هفكر بس بالكتابة وهشرح وجهة نظري ووجهة نظر كتير من الناس الي زيِّ .. بس أحب أقول قبلها إن ده راي شخصي لا يعبر عن أي اتجاه سياسي أو ديني .. وإن اختلاف الراي لا يفسد للود قضية :)

Share/Bookmark

السبت، 3 سبتمبر، 2011

جولة عبر الإنترنت - مواقع مفيدة ( الجزء الثاني :)

هاآايوز :)
بعد النجاح الي مش ساحق الي حققته التدوينة الأولى

وعلى فكرة دي أكتر تدوينة واخدة زيارات :)

وبعد رغبة الجماهير :) حلوة الجماهير دي في عمل جزء تاني 

ده الجزء التاني !


أكمل قراءة التدوينة بقى وشير :)


Share/Bookmark

الثلاثاء، 30 أغسطس، 2011

رمضان خلص .. دعوة للتحرش !

المزيد من الإستفزاز يلاحقني أينما ذهبت !

كل سنة و إنتوا طيبين :)
عيد سعيد وربنا يعيد علينا الأيام دي بكل خير وبركة وصحة وسعادة وفرح وسرور وجمال ومبـ .. :) ربنا يعيدها من غير مبارك 

المهم ،،
كلنا عرفنا الي حصل السنة الي فاتت في العيد ..  الي عمله سعد الصغير ودينا .. مع انها مش دينا خالص .. دي فتكات ، سوعدات ، حبشتكنات .. اي حاجة بس مش دينا يعني :)
والي ناويين يكرروه العيد ده .. بس السنة الي فاتت كان ببلاش والسنة دي بفلوس .. هتدفع فلوس عشان تتفرج على فيلم زي
( شارع الهرم - أنا بضيع يا وديع - يا أنا يا هو )
وتاخد ذنوب .. وتسمع كلام مش حلو .. وتشوف مناظر مش حلوة 
حاجة مش حلوة من الآخر

هنقاطع أفلا العيد ( الغير محترمة ) عشان على الأقل نعرف نحترم نفسنا بعدها .. 

قاطع من هنا :) :


مابقاش ينفع تاني نسكت ع الغلط ولو حتى بالامتناع عن دخول اي فيلم مسف او خارج عن اداب هذا البلد التي ثارت من اجل ان تتطهر من كل ما هو فاسد هذا الاعمال هى تكرار لمأساة العيد والتي كانوا هم نفس ابطالها وكاننا نقول انتهى رمضان هيا بنا نتحرش! وفي النهايه:ان اختلفت معي في الرأي فانا احترم وجهك نظرك ( أحمد يونس)
حتة مستفزة أوي بقى لقيتها في كومنت على الإفنت
أستاذ سعد الصغير .. هيبطل أغاني عشان حرام
ومع كده عمل فيلم زي شارع الهرم ده !
أترك لكم التعليق !
كل سنة وإنتوا طيبين تاني .. ودمتم ،،



Share/Bookmark

الأحد، 28 أغسطس، 2011

البيبسي ليس سم قاتل ! ولا الإندومي كمان !

البيبسي ليس سم قاتل ! ولا الإندومي كمان ( مع الإعتذار للفيلم )
ممممممم .. السلام عليكم ورحمة الله وبركاته .. هتكلم النهاردة عن إشااعات بردو .. إشاعات مستفزة وعشان كده .. مفيش مقدمة :)هتكلم عن ( بيبسي - إندومي  )
أكمل قراءة التدوينة بقى :)
----

Share/Bookmark

الثلاثاء، 23 أغسطس، 2011

كلمات مش عيب ( كلام بنقوله ومش عارفين معناه :) ( الجزء 3 )


كلمات بنقولها ومش فاهمين معناها
وساعات بنفكره كلام غلط او عيب
وهو مش كده 
واوقات بنقول كلام عادي جدا .. بس مش بنبقى عارفين معناه ولا بنفكر فيه
طب عمرك فكرت يعني ايه " الزمالك " ؟!
طب يعني ايه " فايسبوك " و يعني ايه " تويتر " ؟!
!
هتكلم النهاردة عن ( وحوي يا وحوي - ايووحة - فايسبوك - تويتر - جوجل - نمرود - أهبل - سبهللة - الزمالك !)
عاوز تعرف يعني إيه ؟!
أكمل قراءة التدوينة :)

Share/Bookmark

الاثنين، 22 أغسطس، 2011

كلمات مش عيب ( كلام بنقوله ومش عارفين معناه :) ( الجزء 2 )


كلمات بنقولها ومش فاهمين معناها
وساعات بنفكره كلام غلط او عيب
وهو مش كده 
وساعات برده نقول كلام ونبقى فاهمين انه مجاملة ومديح .. ويطلع شتايم :\
وساعات برده تبقى كلمة بريئة زي ( إبن الإيه .. ) وتتفاجأ بمعناها بعد كده ،،
!
مش هعد بقى اطول في المقدمة زي المرة الي فاتت :) 
هتكلم النهاردة عن ( عبيط - حبشتكنات - إبن الإيه - باشا - سيس)
عاوز تعرف يعني إيه ؟!
أكمل قراءة التدوينة :)


Share/Bookmark

الأحد، 21 أغسطس، 2011

فانلاتك وبوكسراتك زي اصحابك !


كل سنة في رمضان .. بتحاول الشركات المنتجة لأي منتج مهما كان .. تعمل اعلانات تجذب المشاهد ليها .. اعلانات تعد في ذاكرتك سنين مش ثواني ع رأي الشاعر .. ومش كل الشركات بتنجح في الموضوع دي .. في اعلانات تخليك تلعن في سلسفيل ام المنتج ده وتحلف ما انت شاريه .. وفي اعلانات بتقى لذيذة وتخليك تبقى مبسوط .. وتشتريه
فانلاتك وبوكسراتك زي اصحابك .. فيه منهم الي بتحبه من وانت صغير .. ومنهم الي عاوز يتغير .. فيه منهم الي لازق شويتين .. وفيه منهم الي زانقك حبتين .. بس زي ما في منهم الي دايما تاعبك .. بتلاقي الي مريحك وواقف جنبك .. بتلاقي الي ساندك .. بتلاقي الي دايما محلي شكلك .. فلما تختار اختار الي تقدر تعتمد عليه .. قطونيل .. القطن بيتكلم مصري !


أكمل قراءة التدوينة :)

Share/Bookmark

الثلاثاء، 16 أغسطس، 2011

كلمات مش عيب ( كلام بنقوله ومش عارفين معناه :)

كلمات بنقولها ومش فاهمين معناها
وساعات بنفكره كلام غلط او عيب
وهو مش كده 
!

( كوسة - مزة - طز - احا ! )

طبعا اي حد واثق مية في المية من قبل ما يتولد ان الكلام ده عيب .. وان مينفعش نقوله
هو فعلا خد سمعة وحشة عن الشعب المصري بس فعلا الكلام مش وحش للدرجة دي

هشرحلكوا معنى كل لفظ من دول بالتفصيل الممل وهثبتلكوا .. انه مش عيب :)


أكمل قراءة التدوينة :)



Share/Bookmark

الخميس، 7 يوليو، 2011

لا تكن لطيفا أكثر من اللازم !

 هذا الموضوع أعجبني بشكل مبالغ فيه .. فهو بالتحديد يتحدث عني .. او عن ماضيي .. موضوع علاقة بكتاب " لا تكن لطيفا أكثر من اللازم " للمؤلف ديوك روبنسون 
أكمل القراءة فقد يعدل هذا الموضوع منك اذا كنت لطيفا .. ولو قليلا فمن المحتم أن هذا سيفيدك :)



Share/Bookmark

الجمعة، 24 يونيو، 2011

فرانكوا ارابيك !

تمكنت مني ومنكم جميعا ظاهرة الفرانكو اراب .. لغة جديدة إن صح التعبير .. ولا أعتبر ما سأقول بأي حال من الأحوال هو الصواب .. ولكننا جميعا نسعى للأصوب ..

أكمل قراءة التدوينة فقد تجد فيه الراي الاصوب .. او حتى مجرد صواب :) 

Share/Bookmark

الجمعة، 27 مايو، 2011

جولة عبر الإنترنت .. أحد عشرة موقعا مفيدا

 www   أثناء تصفحي لمحركات البحث ( من عاداتي القديمة :) وأدلة المواقع قد وجدة عدة مواقع منها الطريف والشيق ومنها المفيد والجاد .. وقد رأيت أنه من الجميل أن أضعها لكم هنا .. لعلها تكون بالمفيدة
أكمل قراءة التدوينة لمشاهدة المواقع فمن المؤكد أنك ستعجب بواحد أو اثنين .. أو لعلك تجدهم جميعا رائعين ،، وهذا ما اتمناه :)

Share/Bookmark

السبت، 14 مايو، 2011

الملعون !

   cs3ip_transp_PSD_Iconعند تصفحي لأحد مواقع الإنترنت وجدت في ترويسة (هيدر) أحد المواقع تأثيرا أعجبني وبشدة ! فقمت بعد محاولات لمحاكاة هذا التأثير الرائع .. وبعد أكثر من ساعة أرهقتني فيها المحاولات لم أستطع أن أنفذ هذا التأثير .. فقررت أن ابحث على الإنترنت لعلي أجد ما يفيد ، ووجدت ملفا مفتوحا يحتوي واجهة موقع بها هذا التأثير وتعلمت صنعه ..
ولكنني لاحظت بعد ذلك أن الفوتوشوب لم يعد يدعم العربية .. قمت بعده محاولات لإصلاح الخطأ ولكنا لم تلق النجاح الكافي فقمت بإعادة تنصيب النسخة .. وإعادة التطبيق بالطبع .. وعندما بدأت الكتابة بدأت الحروف تظهر مقلوبة ،  فوجئت بالأمر ثم أدركت المشكلة لقد كان الملف المفتوح عبارة عن " virus " ليس أكثر وعندما أقوم بالكتابة فإن الحروف لا تظهر .. في الواقع هذا الـ Virus يقوم بإلهائك عبر إفساد ما تقوم به في ذات الوقت الذي يتم فيه إختراق ملفات جهازك و معلومات تسجيل دخولك للمواقع الكبرى ومنه الى بطاقتك الإئتمانية وأشياء أخرى ولو كنت تنازلت عن الأمر وتركت الـ Virus يعمل في حرية .. لتكبدت خسائر فادحة ولكنت في وضع لا أحسد عليه ،،

ها هو الـ'ــفوتوشوبـ'ـ إنتهت عملية تنصيبه .. شكرا لوقتكم الثمين وإلى اللقاء ..
دمتم ،،

Share/Bookmark

الجمعة، 13 مايو، 2011

خاصية العودة بالزمن .. متاحة !

    1258074546تتحدث الأساطير القديمة عن العودة بالزمن كدرب من دروب السحر الأسود .. وكان الحرق هو جزاء من يتحدث في هذا الأمر .. أما على الإنترنت فكما تعودنا فكل شيء متاح .. حتى العودة بالزمن أصبحت متاحة وممكنة الآن فالموقع الذي أحمله لكم بين يدي اليوم هو عبارة عن محرك بحث أو بالمعني الأصح آلة زمن تستطيع العودة للماضي بأي موقع فتريك كيف كانت بدايته ، أو أذا أردت البحث عن صفحة تم حذفها فبالتأكيد سيكون هذا الموقع مفيد لك ..
عنوان الموقع : Way Back Machine
شاهده ، أخبرني رأيك ، أطرف المواقع التي شاهدتها .. فمن المؤكد أنك ستجد ما لن نجده نحن !

دمتم ،،

Share/Bookmark

الخميس، 12 مايو، 2011

أنا .. أسف !

12642_305375145233_715075233_9641706_6208309_nكانت حقا لكي أمتي .. هذه الكلمة التي عز في نفسي الإفصاح بها منذ سنوات مضت .. ولكنني الآن وبكل ما أوتيت من قوة أسرح بها .. أمتي .. إنني أسف .. أسف لأنك تصرخين .. ولأنك تستنجدين بمن هم في عالم أخر ولا يعلمون العواقب الوخيمة لصراخك .. أمتي .. أنا أسف .. أسف لكل أم عربية فقدت أولادها في محرقة أو مذبحة على أيدي خنازير اليهود .. أسف لكل أم عربية صرخت صرخة ألم على فلذة كبدها الذي هو بين يديها يبتسم ابتسامة شوهتها الدماء .. أسف لكل أم عربية دفنت بيدها ولدها الذي لم تكن تتوقع أبدا أن تكون هذه نهايته .. أن تكون هذه الميتة الشنيعة نهايته ..أسف لكل أم عربية بكت في حرقة بعدما أضحت وحيدة بدون ونس يهون عليها صعاب الحياة !
أنا أسف .. أسف لكل طفل صرخ صرخة  قطعت نياط القلوب .. حاملا بين يديه الصغيرتين دمية لوثتها دماء أمه التي لم يتصور يوما أن يعيش بدونها .. ولكنها أضحت حقيقة ولا طائل من وراء البكاء .. أنا أسف
أنا أسف .. أسف لكل أسرة غابت عن وجوهها البسمة التي كانت تترائي حتى في ظل القصف المستمر بوجود العائل الذي يؤمن لهذه الأسرة الحياة الكريمة .. أنا أسف
أنا أسف لكل شاب غرته الحياة بشهواتها  فضاع في طيات زى الانحراف .. وخلجات الإدمان .. أنا أسف لكل شاب قتله أخاه لأجل بضع جنيهات ما كان الطائل منها إلا أنها ثمن "الهباب " ..
أنا أسف .. أسف أيها المسجد الأقصى.. أسف لأنك تهدم وتبنى تحتك الأنفاق .. ونحن نائمون لا ننوى على شيء حتى تهدم فنعي للحظة أننا مخطئون ثم نلقى بالعبء كاملا على رؤسائنا ..
أسف أيها الرسول .. أسف لأننا تركنا
سنتك واتبعنا نهج من هم لك كارهون .. أسف أيها الرسول العظيم لأنك عانيت كثيرا في نشر رسالة الدين الأحنف .. ونحن ها هنا نفسد كل شيء إتباعا لشهاوتنا .. أنا أسف .. أسف يا رسول الله لأننا نفعل ما لا يرضيك .. أنا أسف
إلهي أنت تعلم كيف حالي .. فما كنت أتوقع
أن اكتب هذه الكلمات والدمعة على خدي تزحف لتكون ذلك الخط الدافئ الذي يدعوني
للحكاك فقط لتتمزق موانع ذلك الإحساس وأبدا في البكاء .. أنا أسف
أحمد عثمان -الأحد مايو 23, 2010 1:39 pm

Share/Bookmark

الأحد، 1 مايو، 2011

فريق بساطة - كداب

     أغنية رائعة تتحدث في صورة ساخرة عن ما يرغب فيه الشباب من مستقبل باهر لوطنهم .. وينتهي كل مقطع منها بالنغمة الشهيرة التي تجعل البسمة تعلو كل وجه :
للمشاهدة والتحميل أكمل قراءة التدوينة  :) ،،

Share/Bookmark

الأربعاء، 16 فبراير، 2011

بلا عنوان !!


ان هذه الكلمات التي تسطرها على القلوب يداي .. لطالما ظلت حبيسة نفسي .. ظلت بداخلي لا ابيحها لغيري .. وحينما يفيض ما في كاس حروفي ..فانني وبحذر شديد اتحدث .. ولكن ما كان يحدث لي بعد ذلك كان كفيلا بان يحبطني .. يحبطني للابد .. وكان ثغري يضيق فلا تخرج الكلمات الا بعد عناء شديد .. بعد مشقة كبيرة .. وحينما انفجرت الثورة .. هزتني فرحة غامرة .. اطاحت بكل ما كنت اشعر به من الكبت الشديد .. والديكتاتورية التي نحياها .. لم ازعم يوما انني شريك لهم فسني لا يسمح لي بذلك .. ولكنني اؤيدهم بقلبي .. وبلساني الذي لن يصمت بعد الآن .. تحت اي ظرف وامام اي فرد او جماعة .. لقد جائت الثورة قاضية على كل الفتن التي تحيط بالشعب .. فظهر عناق الهلال للصليب رادعا لكل ما احاطنا من مؤامرات كاذبة .. هدفها الوحيد التفرقة بين عناصر الشعب .. ولولا هذه الثورة لنجحت هذه المؤامرة التي رايت فيها سببا امثل لدخول الجيوش الأجنبية الى مصر .. بحجة الدفاع عن الأقليات المستضعفة .. والقضاء على الاضطهاد المذهبي .. واين هو هذا الاضطهاد ؟؟!

Share/Bookmark
rss