بسم الله الرحمن الرحيم
في 19 مايو من سنة 2009 .. إتوفى حفيد الرئيس المخلوع حسني مبارك .. يومها طوائف الشعب كلها تعاطفت معاه .. وأنا كنت منهم .. مع إني يومها لما فكرت بالعقل لقيت إن مبارك مش تعاطف مع أي حد من الي ماتو في العبارة أو في أي حدث تاني من الاحداث المؤسفة الي كانت بتحصل في مصر وبيروح ضحيتها عشرات المصريين .. وكانت نفس السنة الي اتعملي فيها ملف في أمن الدولة وأنا لسا في إعدادي عشان قلت قصيدة عبّرت فيها عن رايي في الفساد الي في البلد .. ومع كده فضلت متعاطف مع مبارك ،،
السؤال .. المفروض أبقى متعاطف مع مبارك دلوقتي وهو بيتحاكم والناس بتعامله بالطريقة الصعبة دي ؟!
هفكر بس بالكتابة وهشرح وجهة نظري ووجهة نظر كتير من الناس الي زيِّ .. بس أحب أقول قبلها إن ده راي شخصي لا يعبر عن أي اتجاه سياسي أو ديني .. وإن اختلاف الراي لا يفسد للود قضية :)
هفكر بس بالكتابة وهشرح وجهة نظري ووجهة نظر كتير من الناس الي زيِّ .. بس أحب أقول قبلها إن ده راي شخصي لا يعبر عن أي اتجاه سياسي أو ديني .. وإن اختلاف الراي لا يفسد للود قضية :)
السؤال .. المفروض أبقى متعاطف مع مبارك دلوقتي وهو بيتحاكم والناس بتعامله بالطريقة الصعبة دي ؟!
الإجابة : لأ ..
ناس كتير وكتير أوي هتقول .. مبارك رجل عجوز .. محاكمته مش هتفيدنا في حاجة .. هو يعني لما مبارك يتعدم الي ماتو هيرجعو .. مبارك قدم لمصر من عمره 30 سنة .. مبارك عمل وسوى عشان الشعب يعيش مرتاح .. مبارك .. مبارك .. مبارك
ناس كتير وكتير أوي هتقول .. مبارك رجل عجوز .. محاكمته مش هتفيدنا في حاجة .. هو يعني لما مبارك يتعدم الي ماتو هيرجعو .. مبارك قدم لمصر من عمره 30 سنة .. مبارك عمل وسوى عشان الشعب يعيش مرتاح .. مبارك .. مبارك .. مبارك
بحاول أفكر في وجهة نظرهم .. لكن لما أفكر في مبارك بفتكر الاول قبل كل حاجة .. حجم الظلم والقهر والفساد والبطالة والعنوسة والإدمان والدعارة والتخلف والجهل والذل والسرقة والنهب والطغيان والفتنة والعري والإباحية والكوسة والمحسوبية والواسطة وتفاهة الإعلام .. والمناهج التعليمية الخربانة .. والعبارة الي غرقت .. وحريق الدويقة .. وانهيارات المقطم .. وإنتخابات الرئاسة ومجلس الشعب .. ومرتبات الموظفين والعمال والمدرسين وحتى الأطباء والمهندسين .. إلخ .. إلخ .. وكمان إلخ !!
وقبل ما احاول أتعاطف معاه .. بتعاطف مع كل أب فقد إبنه الي كان العائل الوحيد ليه في الحياة ... الي من غيره مش هيقدر يعيش .. بفكر في الأطفال الي فقدو أبوهم أو أمهم أو الإتنين .. بفكر في إسلام الي مات بسبب التعليم المصري الفاسد .. بفكر في الشباب الي باظت أخلاقه بسبب البطالة وقلة الشغل .. بفكر في الأطفال الي باظت أخلاقهم بسبب إنشغال أهاليهم في شغال مبينتهيش عشان يوفرو ليهم الحياة أو بسبب التلفزيون والإعلام المتخلف والافلام الي مستواها للأسف في مستوى تفكير الحيوانات !!
بفكر في الشهداء الي ماتو في أيام الثورة .. بفكر في خالد سعيد والتعذيب الي داقو لأنه على حد قول المخبرين اشتباه في ادمان .. يعني حتى مفيش دليل !!
بفكر في نفسي .. إزاي عايش بشم في هواء مليان دخان وعوادم وقرف .. وإزاي امشي في الشارع بدوس في المجاري وحاجات تانية ربنا يعلم لوحده هي إيه !! بفكر في التعليم المتخلف الي انا بتعلمه .. مجرد حشو لحاجات قديمة معدش ليها أهمية وأغلبها غلط أصلا .. بفكر في مصيري لو تعبت فجأة ومفيش مستشفى نضيفة أروحها أتعالج .. بفكر في مستقبلي وإزاي هقدر اجيب مجموع في ثانويه عامة إمتحانتها تعجيزية .. ولو قدرت اجيب مجموع هل هقدر أكون معيد في الكلية والي ده هيبقى منصب إين الدكتور الفلاني بس !!
بفكر في القمح الفاسد والكيماويات الي بتتحط في مختلف المحاصيل والي بتسبب الاورام السرطانية لمئات الألاف من المصريين سنويا .. بفكرة في إلتهاب الكبد الوبائي .. وأنفلونزا الخنازير .. والبلهارسيا .. وأمراض كتير حققنا فيها أرقام قياسية .. وناس ملهاش ذنب غير إن مش معاها فلوس تتعالج بتموت بسبب الأمراض دي !!
بفكر في عبارة السلام .. بفكر في 1300 مصري ماتوا موتة من أبشع ما يمكن .. ماتو غرقا .. بفكر في أهاليهم .. وبفتكر إبليس بقرنينه وعبايته زي ما بيجي في قصص الأنبياء لما أشوف مباارك بيضحك ع التلفزيون وهو بيقول لإنسان مصري .. إوعى تكون عبارة من الي بيغرقو !!
بفكر في الغاز المصري الي بيتوصل لإسرائيل بأقل أسعار ممكنة !!
بفكر في عمليات تجميل الست المش فاضلة سوزان مبارك على نفقة الدولة !! وفي ناس بتموت عشان مش معاهم فلوس يشتروا أكياس دم :(
بفكر في الي نزلو في مظاهرة من زمان يقولو " سيد بيه يا سيد بيه .. كيلو اللحمة بقى بجنيه " لما يشوفو الكيلو بمية جنيه دلوقتي .. هيعملو إيه !!
بفكر في الي عايشين في القبور .. مش لاقيين مكان يعد فيه غير القبور مع الميتين .. ومبارك عنده من الفلل والبيوت ما لا يعد ولا يحصى !!
وحاجات تانية كتيرة مش قادر أذكرها كلها .. مش لأاني مش عارفها .. لكن من كترها .. حاجات كتيرة .. لما بفكر فيها بحس إن الي بيحصل لمبارك دلوقتي قليل أوي .. قليل جدا .. وقبل لما تقولو ربنا هياحسبك عشان شمتان .. فأنا مؤمن إن ربنا هيحاسبني أنا وكل المصريين .. لو سبنا مبارك من غير قصاص .. ليه سبناه ؟! ولا الواحد لما يكون رئيس مش يتحاسب !؟
ده سيدنا محمد قال : " وأيم الله لو أن فاطمة بنت محمد سرقت لقطعت يدها "
وساعة ما أقول كده يقولو شعب همجي .. شعب معندوش اخلاق .. شعب عاوز يتغير
وساعة ما أقول كده يقولو شعب همجي .. شعب معندوش اخلاق .. شعب عاوز يتغير
والله العظيم والله العظيم والله العظيم .. الي موافقين على مبارك ومتعاطفين معاه رغم كل المفاسد الي كانت في عصره والي مقدرتش أكمل منها واحد في المية في التدوينة دي .. هما الي همج وعاوزين يتغيرو
ويقولو علي أبطال الثورة خارجين عن القانون .. وخارجين عن الحاكم .. أي حاكم ؟!
سيدنا عمر إبن عبد العزيز لما كان بيحكم المسلمين .. مكنش في فقراء أصلا .. وكان كل الناس شبعانة .. حتى الحيوانات كانت شبعانة
عمر إبن الخطاب كان بيقول : لو عثرت بغلة في العراق لسألني الله تعالى عنها لِمَ لَمْ تمهد لها الطريق يا عمر
عمر إبن الخطاب كان بيقول : لو عثرت بغلة في العراق لسألني الله تعالى عنها لِمَ لَمْ تمهد لها الطريق يا عمر
.. وأنا هنا بمشي هنا في المجاري !
حاجات كتيرة في عصره بنفتكرها .. ولو عاوز تبقى صح .. لما تيجي تتعاطف معاه .. تعاطف مع كل المصريين وإفتكر الظلم الي كانو فيه .. ده لو إنت مش اتظلمت
وإعرف إننا مش هنظلم مبارك ومش هنعامله بالمثل .. مش هنحاكمه محاكمة عسكرية .. مش هنكهربه أو نسيب عليه الكلاب عشان يعترف بحاجة معملهاش .. مش هننفخه في أقسام الشرطة عشان يعيش ما تبقى من عمره على الملينات .. محاكمة مبارك هي الخطوة الأولى لبناء مصر .. هتبقى عبرة لكل واحد فكر في يوم يستعبد المصريين ويلعب بأمالهم وأحلامهم وحياتهم إسكواش .. هتقي ربنا في مبارك .. يعني مش هعطف عليه .. و مش هسيبه من غير محاكمة عادلة .. تكون في تاريخ القضاء المصري دليل واضح على العدالة والحرية
وإعرف إننا مش هنظلم مبارك ومش هنعامله بالمثل .. مش هنحاكمه محاكمة عسكرية .. مش هنكهربه أو نسيب عليه الكلاب عشان يعترف بحاجة معملهاش .. مش هننفخه في أقسام الشرطة عشان يعيش ما تبقى من عمره على الملينات .. محاكمة مبارك هي الخطوة الأولى لبناء مصر .. هتبقى عبرة لكل واحد فكر في يوم يستعبد المصريين ويلعب بأمالهم وأحلامهم وحياتهم إسكواش .. هتقي ربنا في مبارك .. يعني مش هعطف عليه .. و مش هسيبه من غير محاكمة عادلة .. تكون في تاريخ القضاء المصري دليل واضح على العدالة والحرية
الله .. الوطن
إعدام مبارك :)
دمتم ،،
ملحق : للناس الي بتقول وبتتفلسف بإسم الدين : ولا تبدي الشماتة في أخيك .. فيعافيه الله ويبتليك .... هو مبارك بقي أخي بأي منطق ؟! أخي الذي منع ذكر الله في المساجد ودور العبادة !؟ أخي الذي أشعل نار الفتنة الطائفية ؟! أخي الذي اضطهد الجماعات الدينية وجعل من حياتهم جحيما فيكفي أن تلتحي لتدخل المعتقل !! أخي الب إستعبدني ؟! أخي الي كان بيمنع الحرس الجمهوي من صلاة الجمعة عشان هو عاوز يعد في البسين ؟! أخي الي كان بيخلي الناس تدور حوالين صورته في المعتقلات وتقول لبيك ؟! والله والله والله لو ده أخويا كنت قتلته !!!
ليست هناك تعليقات:
إرسال تعليق