الأحد، 23 أكتوبر 2011

ليبيا مش زي مصر !

ليبيا مش زي مصر يا عسل
ليبيا مش زي مصر .. موضوع شيق أوي ومعاه رسوم توضيحية :) بيتكلم عن كان إيه الي هيحصل لو القذافي متقتلش وعملوله محاكمة عادلة أو مش عادلة بقى ماهي محاكمة والسلام !!
كتب : إيمان دوالي :)
رسوم : كارلوس لاتوف - محمد توفيق - هاني صالح )

لقراءة الموضوع .. أكمل قراءة التدوينة :)

بقول لكل إلي زعلان انهم اعدموا القذافى وكان عايزه يتحاكم محاكمه عادله


_اقوله بقى ياراجل .. عاوز القذافى يقعد فى قصر فى سرت الشيخ  .. ويتعامل كرئيس
 ومراته رايحه جاية من القصر ده للقصر ده
وعاوزه يتحول لمحاكمه بعد مرور 6 شهور من الثورة
وعاوزه يستف ويحول ملياراته كلها وهو وعياله خارج ليبيا براحته

وعاوزه يروح المحاكمات كزائر متمارض ..وعاوزه يتعمل له شهود يقولوا ماحصلش ومعرفش
ويجيله شهود زور يقولوا الشهادة لله كان امير ومتطلعش منه العيبه ..

وعاوز رجالته يتحكموا فى البلد وعاوز فلوله يرشحوا نفسه فى الانتخابات 
وعاوز حزبه الفاسد يتقسم على 7 احزاب


وعاوز رموز واركان حكمه يتحدوا ويتفقوا مع بعض ومعاهم الحرية الكاملة فى الاتصالات وتوزيع الادوار والدفع لبلطجية ليبيين

وعاوز قيادات وزارة الداخلية الليبية زى ماهم فى اماكنهم

وعاوز الثوار الليبيين يتحاكموا عسكريا ويتحبس 13000 مدنى ليبى فى السجون العسكرية الليبية

وعاوز المجلس الانتقالى الليبى يفرض الطوارىء ويسن قوانين بدون الرجوع للشعب الليبى (العظيم)

وعاوز المجلس الانتقالى الليبى يعلن انه قاعد لحد 2013 ؟؟؟

وعاوز ليبيا تتحكم عسكريا ويتعمل انفلات امنى عشان السياح يطفشوا والاستثمارات الاجنبية تهرب ومتجيش وتزيد البطالة فى ليببا سنتين

عاوز يتعملك فتن طائفية فى ليبيا كل شهر كده

عاوز كل ده
ياقلبك
وتهون عليك ليبيا...؟
هو انت فاكرها زى مصر ياعسل؟
مبروك للشعب الليبي .. مبقتوش زي مصر :)

Share/Bookmark

ليست هناك تعليقات:

rss