في ليلة مطيرة وتحديدا يوم 9\9\1996 .. كان ابو خالد ومراته وخالد واخته قاعدين يتعشوا جبنة وزتون وخيار وبيض مقلي وعسل ابيض .. عادي زي كل يوم .. بس الي ابو خالد ميعرفهوش ان في اليوم ده اتولد اكبر كارثة في تاريخ البشرية .. ابو الكوارث .. احمد العثمان !!
لو عاوز تعرف قصص انتحاري ، ولو عاوز تعرف مين ابو خالد .. اكمل قراءة التدوينة :D
--------------------------( كل الكلام في التدوينة دي اتحكالي وانا مش فاكر منه اي حاجة خالص :D )
- اول ما اتولدت كنت طفل عادي جدا وكان اسمي احمد باين ، مكنش فيا اي مشاكل غير اني اقرع وعيني الشمال اكبر من عيني اليمين !
- شعري كان بيطول بسرعة كبيرة جدا لدرجة اني اول مرة حلقت كان عندي سنتين ونص باين !
- كنت بحب جدا انام على جنبي وده غير صحي بالنسبة للأطفال لأن عضم دماغهم رقيق وكانو ينيموني على ضهري اقوم اتقلب وانام على جنبي بردو ، ونتج عن ذلك بروز غريب الشكل في دماغي وبناءا عليه تم تسميتي بالقلقاسة !
- مع التطور الطبيعي للعثمان بدأت دماغي تكبر بشكل غريب لدرجة اني كنت طفل دماغ بس وكانت دماغي تقيلة جدا مما يعوق حركتي !
- اول مصيبة حصلت بسبب تقل دماغي كانت وانا عندي سنتين ، كان ابويا وخالي قاعدين بيعملوا حاجة اكيد مش فاكرها وانا قاعد جنبهم بلعب بالكورة ، الكورة وقعت مني في الشارع ، اول حاجة فكرت فيها بحكم خبرتي المحدودة في الحياة اني انزل اجيب الكورة م الشباك .. وفعلا طلعت على الكنبة ونزلت من الشباك ومسكوني من رجلي !
- بسبب تلك الواقعة اتعقدت من الكورة عقدة سودة ، ولغاية دلوقتي لا بلعب كورة ولا بتفرج على ماتشات ! .
- بسبب نفس الواقعة بقى عندي هوس غريب بالقفز من المرتفعات وكانت هوايتي المفضلة اني انط من اي مكان عالي الاقي نفسي فيه لوحدي ! .
- بعدها بحوالي شهرين سافرت ما اهلي السعودية ، اول حاجة لاحظتها في السعوديين الشماغ او الغترة .. وكان رد فعلي كعقمان يحترم نفسه اني قعدت اشاور على السعوديين في المطار واقول بصوت عالي : " بابا .. الملك فهد اهو .. بابا .. الملك فهد اهو " !
الفترة الي عشتها في السعودية قبل ما ادخل المدرسة كنت متعين في وظيفتين ، الأولى تخريب الشقة الي الكفيل اداهلنا ببدل السكن وتغيير مكان كل طوبة ، الوظيفة التانية كانت دخول الحمامات العامة ! .
الفترة الي عشتها في السعودية قبل ما ادخل المدرسة كنت متعين في وظيفتين ، الأولى تخريب الشقة الي الكفيل اداهلنا ببدل السكن وتغيير مكان كل طوبة ، الوظيفة التانية كانت دخول الحمامات العامة ! .
- كنت ساكن في عمارة للناس الي مش سعوديين ، فيها ناس من سوريا وناس من لبنان وناس من مصر وناس من فلسطين وكده ، وكانت متقسمة جزئين كل جزء فيه 8 شقق !
- كان اطفال العمارة كلهم بيطلعوا الصبح يلعبوا فوق السطح وبالليل على السلم ، وانا كنت اصغر ولد او اصغر حد فيهم خالص ومكنتش بلعب مع اولاد خالص كنت بلعب مع البنات بس :(
- في يوم كنت بلعب استغماية مع اصحابي دول ولقيت شقة جارتنا السورية مفتوحة ، قمت دخلت استخبيت جوه وفضلت مستخبي 3 ساعات والناس قالبة الدنيا عليا بره ! .
- في يوم كانوا الولاد بيغلسوا عليا فواحد منهم زقني وقعت من على العجلة وكنا في الدور الرابع .. قمت انا نزلت وكتصرف انسان عاقل خدت العجلة رميتها من الدور الرابع في بير السلم ووقعت بالظبط على اوضة البواب ، ومن يومها مشفناش البواب ده تاني !.
- كان كل علاقتي بالكارتون وبرامج الأطفال برنامج ابطال الديجيتال كان بييجي الساعة 11 الصبح ! .
- البرنامج ده كان بيأثر على شخصيتي جدا لدرجة ان لعبتي المفضلة انا واختي كانت ابطال الديجيتال وكنا بننط من على السراير وكده .
- في يوم قررت اطبق على الواقع وطلعت عشان انط من فوق السطح بس للأسف السور كان عالي ومعرفتش انط :( .
- كنت اول حاجة اعملها لما اوصل اي مكان اني ادخل الحمام وده مسببليش اي مشاكل الا مرة واحدة ، كنا رايحين مكة بالاتوبيس والاتوبيس كان بيقف في كذا مكان وكده ، مرة الاتوبيس وقف قمت نزلت منه بسرعة عشان اروح الحمام ، وقعدت ادور في الصحرا ولحسن الحظ كان في استراحة قريبة دخلت الحمام فيها .. والناس طبعا بيدوروا عليا وانا قاعد جوه ! .
- في مرة تانية كنت في طيارة من مصر للسعودية ورحت الحمام في اخر ربع ساعة والناس ربطت الاحزمة استعدادا للهبوط والجو ده وانا جوه الحمام ولما طلعت لقيت الناس كلهم واقفين ، رحت مسكت في ايد واحدة كده وانا مفكرها مامتي وهي كانت مرحبة عادي ومقالتليش انها مش مامتي غير واحنا على باب الطيارة ، ولخيال المشاهد نترك باقي الموقف !
- دخلت مدرسة سعودية وهناك دقت وانا لسا طفل في اولى ابتدائي جميع اشكال الإضطهاد العنصر بحكم اني مصري حقير !
- كنا 5 مصريين في الفصل و 1 فلسطيني بنتعامل بطريقة بشعة كأننا حشرات مؤذية ! مع ان احنا الخمسة بس الي نجحنا ورحنا سنة تانية .
- كان المدرسين والطلبة اسماءهم سهلة جدا ، الاستاذ كان اسمه عبد الكريم الشلاش ! .. الطلاب كلهم على غرار عليوي ومشعل والعوض الصادق وابو بكر وموسى ، وانا الي كان اسمي رخم اوي وغريب على اللسان .. احمد ! ايه الاسم الغريب ده ؟!
- كنا 5 مصريين في الفصل و 1 فلسطيني بنتعامل بطريقة بشعة كأننا حشرات مؤذية ! مع ان احنا الخمسة بس الي نجحنا ورحنا سنة تانية .
- كان المدرسين والطلبة اسماءهم سهلة جدا ، الاستاذ كان اسمه عبد الكريم الشلاش ! .. الطلاب كلهم على غرار عليوي ومشعل والعوض الصادق وابو بكر وموسى ، وانا الي كان اسمي رخم اوي وغريب على اللسان .. احمد ! ايه الاسم الغريب ده ؟!
كفاية كده لحسن انتوا شكلكوا اتخنقتوا .. عليا النعمة الي ما هيعمل كومنت لااجيلوا في كوابيسوا كل يوم بعد ما اتك .. مش هسيبه :D
ليست هناك تعليقات:
إرسال تعليق