- نزلت الشارع بشورت وكوتشي من غير شراب ، ايوه انا حر ومحدش ليه فلوس عندي هع هع =D
- يعد عيان بمرض 10 سنين من غير ما يعرف ويوم ما يعرف يحسسك انه خلاص بيموت =|
- انت مخاصم الحلاق ؟ شعرك طويل اوي ؟ اتش دبور هأ هأ هأ |بعدالحلاقه| ايه الحادثه دي؟ليه عملت كده؟ الخلاصه:رضا الناس حاجه بنت كلب ملهاش لزمه .
- ده عيل دحيح طول النهار يذاكر ، ده عيل فاضي طول النهار ع النت ، انتو موراكوش غيري ؟
- مجتمعنا معاق فعلا ،غلطه الشباب انهم عملو الثوره لناس ناكره للجميل متخذين السذاجه اسلوب حياه،لو كنا عملناها لنفسنا كنا خلصنا ف نص ساعه !
- اكبر سر من اسرار السعاده القرآن خليه معاك حتي لو مش هتفتح المصحف خلي القرآن فذهنك ! هيغير حاجات كتير فعلا .
- خليك واثق ف قدراتك وبالغ ف ثقتك،ربنا خلق المستحيل عشان اعمله كل يوم قبل ما انام خمس ست مرات ! .
- متخليكش واقعي الواقعيه مش دايما حلوه،الواقعيه قالتلي اني مش هعرف اعمل حاجات كتير،اتوكلت ع ربنا وعملتها واديت الواقعيه ع افاها !
- متسمعش كلام حد ابدا ، انت اكتر واحد عارف مصلحتك ، لأنها ببساطه مصلحتك انت! الناس همها الوحيد انها توقفك .. توقفك بس .
- الناس هتنجح انها تخليك تفشل اكتر من مره ، بس كل مره انت هتقوم فيها تاني وتكمل الحقد هياكلهم اكتر ، لحد ما ينتهوا وانت تكمل ! .
- اكتب ، اكتب اي حاجه تيجي فبالك ف ورق اي فكره ايكلمه ، الكتابه ليها مفعول السحر ع عقلك الباطن هتخليه يعمل اي حاجه .
- استغل اي موقف لصالحك حتي لو كنت انت الغلط،استغل غلطك صح ، الي مبيغلطش مبيتعلمش ابدا ! .
- وانت ف عز القرف والصعوبات قوم صلي لربنا ركعتين شكر ! شوف هيحصل ايه وابقي ادعيلي =) .
- ابعد عن منطقه راحتك واتحدي نفسك و اتعب واصبر ، ربنا مبيضيعش اجر الصابرين وبيدي كل واحد ع قد تعبه ! .
- متخليش حد يقدر يتحكم فيك وفكر ف كل كلمه اعتبر الناس كلها الي بتنقدك بيحاولو يوقفوك لحد ما يثبت العكس ! .
- انت موجود ف الحياه عشان تبقي مختلف ومميز والمميزين بس الي بينجحوا .
- متخليش المثل الأعلي سقف لطموحاتك،انت تقدر تكون احسن من اي حد حتي لو كنت ناقص عنه ايد ورجل ! وتقدر توصل للي محدش وصله .
- حس بجسمك ، جسمك اقوي من اي قوه ف الوجود ، استغل كل خليه فيه ف سبيل حلمك عشان ربك هيسألك عملت ايه بالجسم ده ؟ .
- واعرف ان ربنا موجود ودايما معاك وهيستجيب دعاك .. ايه لزمه الناس بقي لو هيعدو يحبطو فيك ؟ .
- سنك عمره ما كان مشكله ، هيفرق بس مع الناس الي لسا فالقوقعه وبيبعبدو التقاليد لكن ابداعك مش مرتبط بسن .
- مفيش حاجه اسمها خلاص فشلت ، الفشل عمره ما كان غير بدايه نجاح،او بدايه فشل تاني بيقود لنجاح اكبر ! .
- ممكن وانت ف القاع من تحت توصل للقمه قبل ناس كان لسالها خطوه ، االفكره بس انك تبدأ ، ابدأ وسيبها ع الله .
- ربنا مبيتعاملش مع الزمن لأنه اعظم من كده ، حاول تنسي الزمن انت كمان لأنه هيتعبك بس ! .
- القدر هو الحاجات الي بتحصل حواليك مش الي بتحصلك ، ربنا خلقك مخير وانت الي بتختار فمتعيبش ع الزمان وعالقدر لأن ساعتها هيبقي العيب فيك .
- حب حب حب حب حب ، حب كل حاجه وحب كل الناس،حب الي بيحبك والي بيكرهك،حب ربنا،الحب بيغير كتير ومينفعش نسقطه من حسابنا ! .
- كل واحد فينا بيبقى عنده احلام وطموحات وكدده بس قليلين اوي الي بيحققو الي هما عايزينو وكتير بيحطبو ومبيعملوش حاجة :(
- على الرغم من ان الناجحين والفاشلين بيبقو في نفس المستوى بالزبط ويمكن كمان فسه ناس فشلت مع انها اكثر احترافية في مجالها الي نجح فيه التانيين
- الناس الي بتفشل مع انها كانت كويسة وكده بتقول ان السبب الظروف او المجتمع ومبيقولش كده كتبرير لا فعلا بيبقو مصدقين نفسهم
- لكن السبب الوحيد لنجاح او فشل اي انسان هو العقل الباطن والأوامر الي بياخدها ، ولا المجتمع ولا الظروف ولا اي اعاقات بتفرق في نجاحك
- لو انت فهمت عقلك كويس حتى لو كل المجتمع مش متقبلك وبيحبط فيك هتنجح ولو انت مش فاهم هتفشل حتى لو كل المتجمع بيساعدك
- مش هتكلم عن الفاشلين عشان مش ناقصة احباط بس هقولكو ازاي نتحكم في عقلنا الباطن ونخليه يعمل اي حاجة
- الاول انت عارف قوت كإنسان قد ايه ؟ انت تقدر تعمل اي حاجة دي حقيقة مسلم بيها وغير قابلة للنقاش
- طالما في انسان زيك قدر يعمل حاجة يبقى انت تقدر تعمل احسن منها لأن كلكو بشر وربنا اداكو نفس الامكانيات بالزبط
- حتى لو عندك اعاقة معينة جسدية مثلا فانت تقدر تعمل زي الانسان العادي بالزبط لأن العقل واحد وقوة الإنسان ف عقله مش فجسمه
- السؤال بقى : إزاي استعمل قوتي دي واوصل بيها للي انا عايزه بدل ما افشل واحبط ؟
- اول حاجة اكتب هدفك والي انت عاوز تعمله ف ورق دايما اكتب واستخدم اكتر من حاسة عشان توصل المعلومة لعقلك الباطن
- يعني كل يوم الصبح هات ورقة صغيرة اكتب عليها الحاجات الي هتعملها النهاردة وعلقها على التلاجة مثلا او على مكتبك
- يبقى انت كده عقلك الباطن طول النهار بيشوف الي انت عاوزه حتى من غير ما انت تاخد بالك ، واي معلومة بتخش العقل الباطن بتبقى أمر
- لو انت قدرت توصل الأمر ده لعقلك الباطن مش هيسكت غير لما ينفذه .. زي الإنسان الآلي الي بيجي ف الكارتون ..
- كل أمر انت بتوصله لعقلك الباطن بيبقى بمثابة مهمة .. عقلك الباطن بيسميها " لا تراجع ولا استسلام "
- واحد مثلا بيشرب سجاير .. هيقول لعقله الباطن متشربش سجاير تاني وهوصل المعلومة ... وبردو هيفضل يشرب سجاير :( عارفين ليه ؟
- عقلك الباطن مش زي عقلك الواعي .. ميعرفش يعني ايه لا وميعرفش المشاعر وميعرفش اي حاجة .. كلمة متشربش زي اشرب بالظبط
- يبقى انت المفروض توصل المعلومة لعقلط الباطن بسيطة ومش متزوقة ومش معقدة عشان يفهمها وينفذها بسرعة
- احمد زويل مثلا وهو صغير كان كاتب على باب اوضته دكتور احمد زويل ، وفلعا بقى دكتور احمد زويل عشان فضل يدي كل يوم أمر لعقله الباطن بكده
- بتنسى ؟ عمرك جربت لما تعوز متنساش حاجة تقول لنفسك افتكر ده افتكر ده افتكر ده ؟ جربها دلوقتي وكل شوية هتفتكر الحاجة دي مش هتنساها
- وابعد تماما عن الروتين والحاجات المملة او العادية ركز ف الحاجات الغريبة او المستفزة حتى اوامرك لنفسك خليها غريبة مش عادية عشان عقلك يستجيب
- عارف ليه انت مبتفتكرش النكت الحلوة وكل النكت الي بتفتكرها بتبقى سخيفة ومش عاجباك اصلا ؟ عشان عاجبة عقلك الباطن لأنها غريبة
- ومتقولش ابدا انا مش زي ده او انا مش احسن من ده .. انت احسن من كل الناس وتقدر تعمل اي حاجة الناس عملوها لو انت مقتنع انك تقدر
- ربنا ضربلنا مثل عظيم على الموضوع ده ، الآية الي بتقول " إنه لا ييئس من روح الله إلا القوم الكافرون "
- لو انت بتدعي ربنا وبتقول في نفسك ربنا مش هيستجيب يبقى انت كده عقيدتك ناقصة ودعائك بالطريقة دي ف حد ذاته معصية
- لازم تبقى واثق في ربنا ومسلم ليه حياتك وربنا بيستجيب دعائك حتى لو انت مخطئ او عاصي وربنا بيقل توبة اي حد " خير الخطاوون التوابون "
- نفس الكلام مع نقسك لو انت واثق في نفسك وف قدراتك هتعمل الي انت عاوزه لأن ربنا ساوى البشر كلهم ببعض فإنت بكده تقدر تعمل اي حاجة
- ومتخافش ابدا من الغلط لأن الغلط من صفات الإنسان اصلا لأن مفيش حد معصوم او كامل الكمال ده حاجة عند ربنا لوحده .. الكمال لله
- انما متستلمش لغلطك واستفيد منه بأكبر صورة ممكنة ومتغلطوش تاني .. لا يلدغ المؤمن من جحر مرتين
- ومع كل ثقتك دي إنكر ذاتك ودايما حاول تبقى احسن متوقفش ابدا ومترضاش بالي انت فيه ربنا خلق الظروف عشان نتحداها مش عشان نستسلم ليها
- ومتتكلمش كتير اسمع وفكر وإتأمل إتأمل ف حياة الناس وكلامهم وف التاريخ وقصصه وف القرىن وفي السنة ، هتوصل لحاجات كتير من التأمل
- وحاول تعرف عن كل حاجة حاجة قبل ما تتخصص في حاجة واحدة عشان تختار صح .. خد خبرة ف جميع المجالات وثقف نفسك وبعدين اتخصص واحترف مجال واحد
- ومتخليش ابدا الناس تحبطك او تبطل الي انت بتعمله عشان نت فيه لوحدك .. ابراهيم الفقي بيقول : اذا كنت مع الله فانت مع الأغلبية العظمى
- وسيدنا على بيقول : لا تستوحشو طريق الحق لقلة السالكين فيه
- وخد اكبر مثال على كده سيدنا محمد لما جهر بالإسلام كان معاه كام مسلم ؟
- فخليك واثق في ربنا وقدراتك الي ربنا ادهالك وسيطر على عقلك الباطن لأنه بتاعك واستفيد من جسمك وعقلك اقصى استفادة عشان تحقق حلمك
- ولما تحلم حلم كبير مش عيب ومش غلط والي هيحبط هو الي غبي مش انت الصح انك تحلم حلم كبير مش تحلم على قدك
- ومتحاولش نتنقم من حد احبطك او تضيع وقتك معاه ، خلي انتقامك الوحيد هو النجاح وخلي كرم اخلاقك يحبب اعدائك فيك
- مش عيب انك تحلم .. العيب انك متحققش حلمك .. حرام متحققش حلمك لأانك كده بتمنع خير وعلم كان في ايدك تقدمه ومقدمتوش .
دمتم ،،
لو عجبتك لايك وشير خلي اصحابك يشوفوها ، واعممل كومنت قولي رأيك :)
ليست هناك تعليقات:
إرسال تعليق