الأربعاء، 8 أغسطس، 2012

العثمانيات ! ( الجزء السادس - الفلسفة العثمانية )

بما إني لسا صاحي من النوم ومش مركز فأنا هنقل التويتات الي بتتحدث عن الفسلفة العثمانية ف الحياة زي ما هي :D


أكمل قراءة التدوينة :D


اكلمكوا شوية ف الفلسفة العثمانية ونظرية الشعشعة ولا مش عاوزين ؟ D:

مش عاوزين ؟ :(

تتلخص فلسفتي ف اني مش مؤمن بأي حاجة غير ربنا .. مفيش حاجة ثابتة .. 1+1=2 دلوقتي .. محدش عارف بكرة مخبيلنا ايه !

الإنسان ملوش قدرات معينة .. تقدر تعمل أي حاجة طالما حد عملها قبلك ولو محدش عملها ممكن تكون انت اول واحد عادي !

نضرب مثل ؟ امبارح مثلا كان عندي 885 فولورز .. دلوقتي بقى 879 .. دوام الحال من المحال والله
( دلوقتي بقوا 926 ) ( فولو بقى عشان اكمل ألف @ahmed_3osman )

المهم انا كده بعدت عن الموضوع الي بتكلم فيه كل مرة وعامل نفسي مبدع .. نرجع لموضوعنا :D قدرات البني آدم

الإنسان كائن فليكسبل بيتكيف مع اي حاجة :D من زمان اوي ناس مش فاكر هما مين اتحبسوا تحت التلج باين وكلوا بعض .. ايه علاقة ده ؟ حلوة فليكسبل دي

ايه الي انا بقولوا ده ؟ اي الهرتلة دي :|

@ahmed_3osman كل واحد في الدنيا بيكون اول واحد يعني انا مثلا الابن الوحيد لابي وامي والوحيد في العالم بتلك السماجه

وزي ما ف الرتويت السابق . كل واحد هو اول واحد .. انا اول مجنون ف الدنيا .. الي قبلي دول مش مجانين دول لعب عيال :D

اول امبارح كان ابن خالي بيفطر عندنا وانا كنت نايم قبل الفطار بساعة .. جم صحوني وانا لما ابقى مش فايق بعد اضحك .. 1

اول ما قعدت شوفت الاكل كنت هموت م الضحك .. قعدت اضحك حوالي نص ساعة لساعة الا ربع وفجأة سكتت خالص وقفلت كده ومكنتش بتكلم 2

الحمد لله لما غسلت وشي بقيت كويس ورجعت اضحك تاني 3

مرة وانا صغير كان بابا سايبني ف حتة كده فا لسعودية وراح يجيبلي اكل المهم جم حبة عيل دمهم تقيل معاهم كلب كبير كده وقعدوا يخوفوني بيه 1

والكلب عمال يا عيني يهوهو لما صوته اتبح وانا اضحك وصوتي اتبح م الضحك بردو ، صعب عليا الكلب ده اوي يومها تلاقي مش هيثق ف نفسه تاني 2

الناس كلها لما تزعل تعيط انا بعد اضحك لحد ما اعيط من كتر الضحك عشان العياط مبيجيش لوحده كده :(

ايموشن بيضحك الأول بعدين يعيط .. :D(

قال الشاعر العظيم استاذ دكتور احمد عثمان : اضحك حتى ان كانت عيرة .. عمر الضحك ما كان بفلوس ..

مثلا بيقولك ان العقل الباطن لما تقوله ميعملش حاجة بيعملها .. طيب لا تضحك دلوقتي .. ضحكت ؟ يبقى النظرية دي فاشلة .. كده ضحكت ؟ لا ؟ طيب

بيقولك الطاقة لا تفنى ولا تستحدث من العدم والمادة لا تفنى ولا تسحدث من العدم ، مشفتش نظريات اكثر سذاجة من دي !!

حلمي ف الحياة اني اخد جايزة نوبل ف الفيزياء لما اثبت ان الطاقة بتفنى وبتستحدث من العدم عادي !! وان نيوتن كان حمار وانا الي بفهم :$

كل الي قرأ التويتة السابقة دي ضحك وقال ايه المجنون ده .. لأنك مقتنع ان نظرية نيوتن دي قانون لا يقبل النقاش مع انها " نظرية " مجرد وجهة نظر

ليه محدش فرض قبل كده ان نيوتن ممكن يكون غلط ؟ طب انا عاوز افهم لما هي لا تفنى ولا تسحدث من العدم اول طاقة خالص جت منين ؟

مش موضوعنا بقى :D

37 منشن :\ هما دول شتايم ؟ طب انا هكمل وهشوفهم ف الآخر عشان لو شتايم ميجيليش احباط :D

نتكلم كمان ف موضوع الشتايم .. انا دلوقتي مثلا شتمت واحد قلتله يا خ** .. هل هو خ** ؟ اومال زعل ليه ؟

عارفين الموضوع بتاع لما تفسر حلم بيتحقق ؟ لو انت مقتنع انه بيتحقق هيتحقق .. انت الي بتحققه .. لو انت مش مقتنع عمره ما هيتحقق .. !! فكر كده

انا مرة حاولت اعمل تجربة على نفسي نمت ع السرير وقعدت الف الف الف وانا نايم كده وبعدين نزلت فجأة .. حاولت اعرف الإتجاهات معرفتش :|

التويتة بتاعة الاتجاهات على السرير ملهاش علاقة بالموضوع بس كان نفسي اقول كده من زمان

اصلا مفيش موضوع :\ انا بكتب اي حاجة تخطر ف بالي :D الطريقة دي فعلاة ف استخلاص الذكريات والافكار

وانا صغير ف السعودية استاذ المدرسة كتب قدامي مثلث ع السبورة مثلاث .. لغاية دلوقتي لما ببقى بكتب بسرعة او مش مركز بكتبها مثلاث :\

يعني مثلاث السلطة مثلاث برمودا سيبي المثلاث ف حاله كده

بس كده :\شكرا لحسن استماعكم لهذه الهرتلة :D

اه اه نسيت اتكلم على حاجة كده معلش هكمل :D

في ناس كتير جدا بيجيلها افكار وهي ف الحمام .. كل حاجة عملتها ف حياتي فكرت فيها وانا ف الحمام .. انا بدخل افكر ف الحمام اصلا

وانا ف تالتة ابتدائي كنت حمار بكل ما تحويه الكلمة من معاني وكنت ميئوس مني .. انا اصلا كنت ساقط ف تانية ابتدائي .. اه والله العظيم

ده حصل بسبب اني كنت متعلم ف السعودية وجيت امتحنت ف مصر :\ المهم في مدرس كده قالي انت دماغك نضيفة وخك حلو وهتبقى شاطر بس ركز

قعدت ادور الكلام ف دماغي قبل الامتحان بكام يوم وانا ف الحمام :\ وبعدين قمت ذاكرت وطلعت الأول :D

كانت المرة الوحيدة الي طلعت فيها الأول ف حياتي

ونتج عن ذلك علاقة وثيقة بيني وبين الحمام .. قريب بقى قعدت افكر ليه الحمام بيلهمني كده ؟ ليه ليه ليه

عمك نيوتن الي كنت بقول عليه حمار من شوية قال لكل فعل رد فعل مساوي له ف القوة مضاد له ف الإتجاه

الأفكار اصلا منشأها المعدة فأثناء عملية الإخراج اللمؤاخذة بينزل تحت والأفكار بتطلع فوق ومن شدة الإندفاع بتعدي العقل الباطل وتخش الوعي

هو ده سر ان الفكرة بتيجي ف الحمام :D

في كمان حاجة بقى عشان نبقى كده فلة ونخلص ان في كتير من المراهقين بيقولو محدش فاهمهم :\

العيب مش فيهم العيب فيك انت الي مش عارف تفهمهم .. ليه انت مستني الناس تفهمك ؟ افرد هما حمير تبقى حمار انت كمان ؟ ايه قلة الأدب دي ؟

انا جبت واحد كبير من الي مبيفهموش دول اجرب عليه وصلته لأنه فهمني وبعدين رجع مش فاهمني تاني ..

وبعدين قعدت بقى اجرب عليه كتير وف الآخر اتجنن يا عيني بيتعالج ف مصحة دلوقتي ادعولوا

في 3 مراحل .. مرحلة اقل من انها تتفهم ومرحلة بتتفهم ومرحلة المجانين

ف البداية لن يفهموك .. ثم سيفهموك .. ثم سيجن جنونهم

وعشان كده ماما بتقول عليا مجنون بقى .. ساعات وهي واقفة بالمطبخ بعد اقولها الحاجات دي .. بس مبتردش مش عارف ليه

وجدتي لما جربت اقولها كده بقت تقولي بس يا اهبل

في واحد صاحبي مرة قعدت اكلموا ف الحاجات دي .. واتوفى

وف النهاية قعدت اكتبها على تويتر .. عشان قليت من 885 فولو ل 879 .. وفجأة ملقتش عندي ولا فولور خالص ( دلوقتي بقوا 926 كما قلنا سابقا )

يعني اموت نفسي يعني ؟

لا تعمل رتويت لدي .. طبعا مش هتعمل .. عرفت انها نظرية فاشلة ؟

انا قعدت ارغي كده عشان كان نفسي من زمان يجيلي ف تاب الانتراكشنز مية منشن .. :\

هما دلوقتي 97 هيبقى مية ف اي لحظة وهاخد برنت سكرين ومش هزعجوا تاني والله

طب حد فيكوا عجبه الكلام طيب ؟ محدش ؟

في انباء ع التايم لاين اني جبت تسعمية :\ بس انا مش مصدق .. انا خايف اعمل رفرش الاقي معنديش خالص .. هضحك والله مش هزعل



طب نكمل لحد متين منشن ؟ لسا عندي كلام كتير

مرة فكرت قبل كده الانسان بيخاف ليه ؟

وعشان اجرب واعرف قمت حطيت نفسي ف موقف مباشر مع اكتر حاجة بخاف منها .. مش هعرف احكي لاسباب شخصية بس بجد اكتشفت ان الخوف غلط .. 2

لما عملت الحاجة الي انا بخاف منها النتيجة جت رائعة بكل ما تحويه الكلمة من معاني .. لغاية دلوقتي لسا مبسوط اني عملت كده

مع ان الموضوع سببلي مشاكل بس انا دلوقتي معدش في اي حاجة بخاف منها ما عدا الاحصنة عشان عندي فوبيا ، لكن مفيش اي حاجة تانية

انا افورت ف اخر تويتة شوية :| ف حبة حاجات كده بخاف منها بس هتغلب ع الموضوع ده ان شاء الله

الانسان بيخاف لأنه بيحب نفسه وبيخاف عليها من أي اذى .. مقدردتش اتغلب على خوفي لحد ما فعلا حبيت حاجات كتير اكتر من نفسي

عارفين ليه زمان المسلمين كانوااقوياء وعملوا حضارة ؟ لأنهم كانوا بيحبوا ربنا اكتر من نفسهم فكان سهل بالنسبة ليهم المخاطرة وبالتالي النجاح

انت بتحب ربنا اكتر من نفسك ؟ لا .. انت بتكدب على نفسك وتقول كده لكن لو دورت ع الحقيقة هتلاقيها لا بحب نفسي اكتر

عارفين ليه امريكا متقدمة علينا ؟ عشان بيحبوا وطنهم اكتر من نفسهم .. بالنسبة لاسرائيل دول بيحبوا شهواتهم اكتر من نفسهم المجد والنفوذ والسلطة

طب نيجي على التعليم والمذاكرة والامتحانات

انا عمري ما ذاكرت ف حياتي وكل علاقتي بالكتب اني بعد ساعات ابص فيها عامل نفسي بذاكر بينما انا بسمع اغاني اصلا

انا اقنعت عقلي الباطن انه مينساش الكلام الي بيتقال ف الدروس والمدرسة .. ومبنساش اي حاجة الا لما اكون مش مركز ..

باجي ايام الامتحانات الاقي نفسي حافظ كل حاجة وواقعة مني حاجات بسيطة احفظها وخلاص واخش احل

عقلك الباطن ده عامل زي العجينة تقدر تشكله زي ما انت عاوز بس لو اتقنت التشكيل .. لو اي كلام هيفك بسرعة اوي مش هيطلع كويس !

انا مجنون O.O

انا تعبت :D 170 منشن .. مش وحشين هعد ارد عليهم بقى :D :D الى اللقاء في نظرية مجنونة اخرى

-----
لو عجبك الكلام مع اني معتقدش انه ممكن يعجب حد اعمل لايك وشير بقى وزبطني كده :D
واكتب كومنت من تحت ابوس رجلك :D

اه واعملي فولو بقى :D
http://www.twitter.com/ahmed_3osman

لو عاوز تقرأ حاجات زي دي كتبتها قبل كده خش هنا
دمتم،،

Share/Bookmark

ليست هناك تعليقات:

rss