إقتباسات عثمانية ! ( العثمانيات )

العثمانيات :\ زي الشوقيات كده .. حاجة واضحة يعني :D

أصل أنا بقالي أسبوعين كده القريحة ناقحة عليا وعمالة تطلع في حاجات كده ملهاش أي ستين لزمة ..

وأنا بطبعي بحب أضيع وقتي ووقت الناس في الحاجات الي ملهاش لزمة زي دي :D

يعني نصيحة مني متقراش التدوينة دي :\ هتضيع وقتك :(

لا تكمل قراءة التدوينة :P
---------------------------------
والله الإنسان ده كائن غريب .. عندو فضول غريب لمعرفة المجهول :)
مع إني قولتلك تدوينة هتضيع وقتك .. ومتقرهاش .. بردو بتنزل :)
أنا اصلا مكنتش ناوي اكمل كتابة طالما محدش هيكمل قراية .. بس إحتراما لفضولك :) أهو :---------------------------------
دوافع كتابة هذه التدوينة :
1- بقالي يجي 10 ايام مش عارف أكتب حاجة .. كل لما اجي ادوّن الموضوع يخلص على سطرين تلاتة :) قلت أجمعهم مع بعض وخلاص :)
2- من الواجب عليا كـ " عثمان " إني أَضيع وقتكوا مع حاجات ملهاش أي ستين لزمة كما قلت سابقاً !
3- دايما كل لما أكتب تدوينة بحس إنها بشعة ومع كده الاقي ناس عاجبها .. دي حاسس إنها بشعة بشكل مبالغ فيه .. :)
---------------------------------

العثمانيات
مجموعة من الأفكار المجنونة جادت بها قريحتي .. ملهاش أي ستين لزمة كما قلت مسبقا .. مملة ملل شديد .. سخيفة لحد الموت .. ولكنها في النهاية .. عثمانيات !

- كل العباقرة يدخنون .. لا أعلم كيف سأكون عبقريا وأنا لا أنوي أن أدخن !!

- You Know That Voice Which came out when the windows starts ?! UR Makes me hear it every minute in my life ?! ♥

- الناس مفقوعة م الي أنا بكتبو .. ده أكبر دليل إنو صح :D #أنا_مختلف_ولكنكم_متشابهون

-  جالي إرتجاج في الدماغ م الحب ده وخروم ..

خروم كتيرة في نافوخي عدد جنود الروم ..

والروم ده شعب في أوروبا مات منذ وقت بعيد ..

وانا حبي ليكي هيفضل من جوه قلبي سعيد ..

حتى أما اموت وأنتهي ويبقى قلبي تراب ..

حبي هيفضل مُخَلَدّ زي إسم الروم :) ♥

- لا تحاول اقناعي بتلك المبررات السخيفه .. اذا كنت احمقا فأنا لست كذلك ..

- عندما يطّلع البعض على اهدافي .. يضحك في سخرية ويقول " مستحيل " ..

نعم هو مستحيل بالنسبة لأمثالك .. أما أنا فالشيء الوحيد الذي لا أعرفه ولن أعرفه ولا أريد أن أعرفه .. هو " المستحيل " !!

- أعرف نفسي ؟! حسناً :)

مملكة الحيوان ! » شعبة الحبليات » طائفة الثدييات » طويئفة الثدييات المشيمية » رتبة الرأسيات » أحمد عثمان =)

- تأتي كثيرا هذه الساعة التي تتكاثر فيها الأفكار بجنون .. وتنتشر الروائع في كل مكان :) ولكن أبدآ لا تأتي عندما أحتاجها :(

- مما لا شك فيه أن كل من يبدأ موضوع تعبيره قائلا " مما لا شك فيه " هو إنسان روتيني وسخيف :]

-  إذا كنت تتفاخر بأن تطلق على نفسك لفظ " عالم " أو " مثقف " فأنت لا تعلم شيئا على الإطلاق !! هذا يجعلك مجرد كاذب وآفاق كبير ..

- لقد أخبرتك كل شيء .. فقط لأنني سئمتُ التظاهر بأنني آخر ! =) ( حتة منها منقوله )

-  هي عقدة !! ولا يصح وصفها بغير ذلك ..

مازالوا يتدخلون في حياتي وبعتبرون أنفسهم بشكل أو بآخر مسؤلين عني .. 

أيها السادة .. أنا أصلا لم أطلب رأيكم !!

- أتمنى أن أقابله .. أجلس معه .. أخبره أنني أحبه .. أعشقه .. أطبع قبلة على جبينه .. ثم أموت في سلام فهذا جل ما أتمناه !

- مفاهيم عثمانية ! 

السياسة : بلاعة واسعة للمشاعر والأحاسيس والأخلاق مع طاقة طردية غير منطقية فزيائيا تبث " قلة الأدب " و " الكراهية " .. ومضاد حيوي قاتل لفيروسات " أدب الإختلاف " التي .. 

يا عم وانا مالي أنا اتجوز وأعد في البيت أحسنلي !

- من سلبيات المجتمع .. إنه ثابت على معتقدات قديمة مش بيجددها :( .. يعني فيه حاجات أو كلمات معروف عنها إنها عيب ومتصحش .. مع إن مفيش أي سبب مقنع لكده !! زي مثال القرود في القفص الفي متعلق فيه موز .. مبنقولش الكلمة لأنها عيب .. طيب عيب ليه ؟! عيب وخلاص !! .. 

أنــــــــــــا حـــــــقــــا أعتـــــرض ;)

-  نظرية مهمة جداً :D

كل ولد أو بنت أهله بيعيشوه في قوقعة من البيت للمدرسة من المدرسة للبيت والمدرسة خاصة خوفاً على أخلاقو ويجبروه يعمل كذا وميعملش كذا .. بينحرف !!

لكن الي أهله بيعرفوه كل حاجة من وهو صغير ويخلوه هو يقنع نفسه إن الحاجة دي غلط .. فميعملهاش عن إقتناع .. ده فعلا الي بيبقى إنسان محترم .. حتى لو جرب في الأول لكن هو بيبقى مقتنع وأهم حاجة الإقتناع =) 

-  الشيء المؤكد بما لا يدع مجالا للشك إن الجنود إلىأمنوا الإنتخابات بالروعة دي .. مش هما الي إرتكبوا الجرائم البشعة في ميدان محمد محمود .. شكرا لدول ^_^ وسحقا لدول >_<

-  قررت أن أفكر بنفسي وأكوّن آرائي عن إقتناع ولا أتبع أحد أياً كان .. ولهذا يحاولون إقناعي بأنني نادر وغريب ومهدد بالإنقراض و " قليل الأدب " !! :D

- الإنتخاب فرض ..

( أحمد الطيب - القرضاوي - بعض مشايخ السلفية - وأخيراً أنا ! )

- أنا كنت عايش أيام مبارك عيشة فلة .. وكنت مستمتع بنظامه الفساد أحلى إستمتاع .. باكل وأصرف وألبس وأتعلم وأعيش أحلى عيشة ..

لكن أنا مؤيد للثورة ولإن الإقتصاد يخرب ومصالح البلد تضيع في الرجلين ومضايق أوي إني مشاركتش في كده .. 

عشان أنا لما أفكر في نفسي وابقى مضايق إن كل النعيم ده هيروح ( حسب كلام الفلول بتوع أم العجلة) .. ومفكرش في الناس الي مش لاقية اللضى .. الناس الي بتموت جعانة .. يبقى أنا مستحقش أعيش ..

-  أعوذ بالله من " التلفزيون المصري " الرجيم !

-  من أكتر الحاجات إلى بتحسسني برجولتي .. برنامج ( عزب شو ) !!

-  يا طنطاوي فلا تــعجــل علـينا .. وأنــظــرنــا نخــــبرك اليــقـينا 

بأنا نـــورد الرايـات بـيضــــــــــا .. ونصــدرهن حـــمرا قــد رويـنا

وأيـــام لنــــا ، غـــــــر طــــوال .. عصينا حسني فيها أن ندينا !

متى ننقل إلـى ريـس رحـانـا .. يكونُ في اللــقاء لها طــحينا 

نطاعن ما تـراخى الأمـن عنـا .. ونضرب بالحجارة إن غشــينا

بسمر من قـنى الخطـى لدن .. ذوابـــــل أو بيـــض يخــــتلينا

نشق بها عـيون القـوم شـقاً .. ونخــتلــب الرقـــاب فـيختلينا

نجذ رؤوســهم في غـيـــر بــرٍ .. فمـــا يدرون مــاذا يــــتقـــون

ورثـنا المـــجد قد علمـت معد .. نطـــاعن دونه حتـــى يبينا !

بأي مشـيئة يا عــــم إنـــــت .. تطـــــيع بنا الوشاة وتزدرينا

تهددنــــــا وتــوعــدنــا رويـــداً .. متى كــنا لأمــك مقتــويــنا ؟!

فإنــــا قنــــاتنا يا عم أعــيــت .. على الأعــــداء أبدا أن تلينا

إليكم يا بني المجلس إليكم .. ألـــما تعـــرفـــوا منا اليقينــا 

ألـــمــا تــعــرفـوا منا ومنكـــم .. ميدان تحرير يطعنا ويرتمينا !!

( ملحوظة : يتميز الشعر الجاهلي بسهولة الألفاظ ووضوح المعنى .. ! )

-  أنا لم أكن محايدا أبدا و لا أحايد الآن ولا انوي يوما أن أكون محايدا ولن أعمل في أي وظيفة تتطلب من الحياد ، الحياد ده قلة أدب ...

- لكل فعل رد فعل .. أقوى منه مليون مرة .. منيل بنيلة على دماغ الي عمل الفعل الاولاني !

- ولسا بنسميه زبال مع إن هو الوحيد الي بينضف .

- آه .. أنا الي هغيّر الكون !

- جرس الهاتف يستمر في الرنين .. من هذا الإنسان المزعج الذي يريد ان يعزلني عن كل ما أقوم به .. ليتحدث عن أمور تافهة لا تهمنى في شيء .. من هذا الكائن الإجتماعي البغيض الذي يريد أن يقنعني بأي وسيلة أنه يحبني وأن له كامل الحرية أن يتدخل في كل أمور حياتي .. إختراع سخيف !!

- إبعد عن الهرو .. ميجليكش عاعا ! ( ملحوظة : مش فاكر المصدر لأنها مكتوبة من زمان .. ممكن أكون أنا الي كاتبها .. الله أعلم ! )

كفاية كده :) يستحسن تعمل كومنت عشان مكتبش حاجات ملهاش لزمة كده تاني :D
( إحتمال أعمل جزء تاني .. وهبعت رسالة لكل واحد هيعمل كومنت .. إعملوا كومنتات كتيرة جدا عشان أرجع في كلامي ومعملش :P )
وشيّر بقى :) عشان تضيع وقت أصحابك :)

دمتم ،،

إقتباسات عثمانية ! ( العثمانيات ) - #مدونة_هستيريا