الأحد، 21 أغسطس، 2011

فانلاتك وبوكسراتك زي اصحابك !


كل سنة في رمضان .. بتحاول الشركات المنتجة لأي منتج مهما كان .. تعمل اعلانات تجذب المشاهد ليها .. اعلانات تعد في ذاكرتك سنين مش ثواني ع رأي الشاعر .. ومش كل الشركات بتنجح في الموضوع دي .. في اعلانات تخليك تلعن في سلسفيل ام المنتج ده وتحلف ما انت شاريه .. وفي اعلانات بتقى لذيذة وتخليك تبقى مبسوط .. وتشتريه
فانلاتك وبوكسراتك زي اصحابك .. فيه منهم الي بتحبه من وانت صغير .. ومنهم الي عاوز يتغير .. فيه منهم الي لازق شويتين .. وفيه منهم الي زانقك حبتين .. بس زي ما في منهم الي دايما تاعبك .. بتلاقي الي مريحك وواقف جنبك .. بتلاقي الي ساندك .. بتلاقي الي دايما محلي شكلك .. فلما تختار اختار الي تقدر تعتمد عليه .. قطونيل .. القطن بيتكلم مصري !


أكمل قراءة التدوينة :)
انت لما شفت الإعلان للمرة الاولى أكيد اتصدمت .. ايه قلة الأدب دي ! 

 بس فعلا الإعلان مش وحش للدرجة دي .. واديني عمال بحلي كل حاجة الشعب مفكرها وحشة :) .. يعني هو المفروض يعملوا الإعلان ازاي يعني ؟!
مش معقول مثلا يجيبوا مانيكان ويعملوا عليه .. ولما تلاقي شوية شباب ماشيين مسقطين بناطيلهم متتنرفذش اوي .. دي صورة المجمتع .. وانت نفسك بتمشي كده بس مش بتبقى واخد بالك .. البناطيل اصلا متفصلة عشان تبقى ساقطة ..
وبالنسبة لكلام الإعلان .. كلام معبر على فكرة .. والناس بدأت تعمله ستاتيوس ع الفيسبوك .. وهو فعلا كلام له معنى مناسب للإعلان ومناسب بره الإعلان و ياما شفنا اعلانات خارجة عن الادب كتير .. مجتش يعني ع الي بيلمح ونتكلم بقى !

وانا أحترم فكرة اعلان قطونيل .. لأن مفيش فكرة تانية ظهرت وهما قالو لا ( ع الأقل من منظوري انا )

عندك رأي تاني ؟! شاركنا بيه .. كومنت من تحت .. وشير بقى


دمتم ،،

Share/Bookmark

ليست هناك تعليقات:

rss