الثلاثاء، 16 أغسطس 2011

كلمات مش عيب ( كلام بنقوله ومش عارفين معناه :)

كلمات بنقولها ومش فاهمين معناها
وساعات بنفكره كلام غلط او عيب
وهو مش كده 
!

( كوسة - مزة - طز - احا ! )

طبعا اي حد واثق مية في المية من قبل ما يتولد ان الكلام ده عيب .. وان مينفعش نقوله
هو فعلا خد سمعة وحشة عن الشعب المصري بس فعلا الكلام مش وحش للدرجة دي

هشرحلكوا معنى كل لفظ من دول بالتفصيل الممل وهثبتلكوا .. انه مش عيب :)


أكمل قراءة التدوينة :)


أولا : كوسة !

في أسواق الخضار بالأرياف ....
كان التجار والمزارعين يخرجون مبكرا لحجز مكان لبيع الخضار وكانوا ينتظرون فى طابور طويل حتى يتم تحصيل الرسوم والسماح لهم بالدخول إلى السوق وأحياناً يكون الجو حار جداً ولا يتم أستثناء أحد من الطابور إلا تجار الكوسة لأنها تفسد سريعاً ولا تحتمل الحرارة فعندما يترك أحد الصف ويدخل دون أنتظار ...وتبدأ الناس فى الأحتجاج يرفع يده التاجر ويقول كــــو ســــــــــــة
--------------------------------------------------------------------
ثانيا : مزة !

الناس بتفكر (جهلا منها ) ان كلمة مزة معناها فتاة جميلة .. بس الكلمة دي معناها مش كده تماما .. في أكتر من رأي انا لقيتهم لما دورت ع النت عن معنى الكلمة دي في رأي انا كان اول مرة اشوفه وانا بكتب التدوينة وانا مش بميل ليه قوي بس لازم اكتبه :)


 هناك كلمات كثيرة نرددها ولا نعرف معناها وأشهر هذه الكلمات هي كلمة "مزة" ومشتقاتها من "مزز" و "مز" ، وربما يعود أصل هذه الكلمة إلى ربات الفنون في الأساطير القديمة في عصر ما قبل التاريخ فقد كان يطلق عليها Muses وقد وصلت هذه الكلمة إلى الانجليزية عبر كلمة Mouseion والتي تعني "من أعمال ربات الفنون" وبالطبع كانت هذه الكلمة Muse أصل كلمة Music وكلمة Museum كما ذكر الكاتب حازم جلهوم.
قد يكون هذا الاجتهاد صحيحا وتعود كلمة مزز إلى الآلهه، فهل ترضى الفتاة أن يناديها الولد بكلمة مزة بعد أن عرفت أنه يطلق عليها لقب "ربة الفنون"؟ بالتأكيد سوف ترفض أيضا أن يناديها بذلك لأن وقع الكلمة على الأذن يكون حادا جدا ولا تفضلها الفتيات، وإن كانت الفتاة لا ترضى أبدا أن يقول عنها الولد أنها "ليست مزة" بل وتتضايق جدا حتى لو حاولت إظهار مشاعر أخرى، ولا أنسى صديقي حين قال "كل الناس بتقولي إن في كلية الإعلام مزز .. هم فين دول؟" وهنا صاحت فيه صديقتنا مستهجنة "يا سلاااااااام؟" اي معترضة على رايه وتعتبره قد أنها حين قال أنها ليست ضمن فئة الـ Muses.



بس الراي الي انا مقتنع بيه والي فعلا ممكن العقل يتقبلو .. ان اللفظ ده بدا في الانتشار في اواخر الثمانينيات .. والاصل في كلمة مزة هو تشبيه الفتاة بالمزة التي يمزمز بها شارب الخمر .. لكي يضيع طعم الخمر من فمه النتن ..وعادة ما تكون المزة عند الشرب عبارة عن :-

قطع من الليمون المملح .. بعض المكسرات .. بعضا من شرائح الخيار المنعشة

طيب وايه علاقة كده بالبنات ؟! 
الموضوع ان احد المنحرفين تحديدا سنة 1988 قال لأحد بنات اليل ( ما تجيبي بوسة يا مزة ) 
( وكلمة مزة كانت بتطلق على الخياة او الليمون الي بتضيع بيه ريحة الخمرة )

ومن هذا المنطلق طلب هذا…..من هذه …. ان تقبله في فمه النتن
لكي يضيع طعم الشراب الخبيث وذلك لعدم توفر ( الخيار المنعش )
وقد وافقت ما وصفها بالمزة ان تعطيه هذه القبلة مقابل مبلغ زهيد من الماال
وتطور الوضع الى ان اصبح جميع بنات الليل يلقبن بالمزز

فعلا الكلمة معناها مش عيب .. بس وحش واظن بعد الكلام ده مفيش واحدة تقبل ع نفسها تلقب باللقب ده !


--------------------------------------------------------------------
ثالثا : طز !كلمة تركية و معناها الملح ...

و يروى أن الحكومة العثمانية كانت تفرض ضرائب على التجار .
في جميع البضائع باستثناء (الملح) ..
فكان التجار العرب إذا مروا من عند المفتشين الأتراك يقولون لهم (طـز) !
أي لا يوجد معنا إلا ملح (والملح كما قلنا لم تكن عليه ضرائب) ..
وشيئا فشيئا صار التجار يقولونها بهدف السخرية من المفتشين الأتراك ..

وهكذا أصبحت هذه الكلمة تعني معنى سيئاً .

بينما هي في الأصل ليست إلا بمعنى (ملح) !!!

يعني لما تقول لواحد طز فانت مش بتشتمه .. انت بتقوله ملح .. ( تصرف سخيف صح ؟! )

--------------------------------------------------------------------
رابعا : أحا ! ( انا حقا اعترض )


الكلمة دي بالذات مظلومة جدا في فكر الشعب المصري .. وكل واحد ببيعد يفتي ويطلع عليه معاني ملهاش اي اساس من الصحة .. وبقت خط احمر في قاموس الشعب مش المفروض اي حد مهما كان يتخطاه .. والكلمة نزلت لقاع المجتمع وبقت على لسان العربجية والعاطلين والمنحرفين .. لكن لو عرفت معناها هتعرف فعلا انها مش عيب وانها كلمة عادية جدا .. جدا جدا كمان :)

    معنى كلمة احا : ( مقتبس من موقع احا والي كتبت عنه في التدوينة دي " هنا " :)

  1) معانيها:
          احا ليها اكتر من طريقه للكتابه و النطق و كل طريقه ليها معنى مختلف عن التانى


          - فى اللهجه المصريه و اللهجات التانيه:
         احا (ا ح ا) اختصار لجمله: انا حقا اعترض او انا حقى اعترض
         احه (ا ح ه) اختصار لجمله: ارفض حدوث هذا
         احا: مشتقه من اح: كلمه بتتقال لما تكح او تتلسع او تتخبط و بتتقال بردو للاطفال الصغيرين للتعبير عن الغضب (كخ)
         احا: فى بلاد زى الاردن معناها الكحه و بلاد تانيه معرفهاش معناها اصيل زى مثلا لما نقول "انا مصرى احا" = "انا مصرى اصيل"


         - فى اللغه العربيه:
         احا: كلمه كان بيقولها البدو للمعيز و الخرفان و الكلام ده (لسان العرب)
         احا: مشتقه من الاحاح و الاحاح ليها معانى كتير حسب النطق فا تيجى بمعنى:
         العطش الشديد، الحزن الشديد، الغيظ، الحقد، الكراهيه و الكحه او العطس (لسان العرب)
         احا: مشتقه من اح نفس معنى الاحاح الاتنين اصل واحد و معانى واحده بردو
         الغيظ، الكراهيه، العداوه، و الكحه و الكلام ده (مقاييس اللغه)


         - فى الحكايات اللى بنسمعها:
         بيقولك فى العصر الفاطمى; طلع قانون يمنع الناس انها تقول لفظ "احتج"، فا المصريين ساعتها حورو الكلمه
         و خلوها "احتا"  (من يومنا و احنا معارضين)
         الفاطميين اكتشفو الموضوع ده، راحو المصريين قلبوها لـ"احا"، و بعدين القانون اتلغى و الكلمه اتشهرت.


         فى اغلب الحالات احا كلمه تعتبر اسلوب اعتراض شديد اللهجه
2) اتقالت امتى و مواقف مشهوره:
         - من زمان اوى :P
         - من المواقف المشهوره لكلمه اح، هيا لما الريس جمال عبد الناصر طلع و قال هاتنحى عن الحكم
         و كان رد الشعب ليه فى مظاهره شعارها "احا احا لا تتنحى"
         - موقف تانى مشهور (افتتاح موقع A7A.me يوم 10 سبتمبر 2010) :D


         3) مين اول واحد قالها و قالها ليه:
         معرفش :D


         4) ليه الاعتقاد دلوقتى بان الكلمه مش محترمه (قبيحه):
        فى الوقت اللى الاعتقاد ده ظهر فى مصر، كانت الدوله لسه بتبنى نفسه، و كانت العقول مشوشه
        بسبب الانجليز و الفرنسيين و الناس دى
        و حصل الانقسام بين المصريين الاغنيا و الفقر، الجيل الجديد من الاغنيا كانو متعلمين فى اوروبا
        و مش ناقصهم حاجه عشان يقولو احا
        اما الجيل الجديد من الفقرا فا كانو دايما بيقولو اح، و كان عندهم التطلع للاغنيا (عايزين يبقو اغنيا زيهم)
          فا كان التقليد فى الكلام من الاغنيا
        و هنا كلمه احا كانت لسه عاديه و لكن، مينفعش تتقال ادام حد غنى او حد صاحب علم تعبيرا للاحترام يعنى
        و هكذا لغايه ما الناس بقو يربو اولادهم ع ان احا دى كلمه مش محترمه زى ما الاغنيا بيربو ولادهم :D
        طبعا دلوقتى الكلمه موجوده ع انها قبيحه محدش بيقولها غير اطفال الشوارع، و لما الاطفال المتربيه
        يسألو اهاليهم يعنى ايه احا يسمعو الاجابه المعتاده "كلمه وحشه" و بعديها يسمعو صوت الصمت :D (رأى شخصى مش كلام حقيقى)


  
ده كان معنى كلمة احا بالتفصيل الأكتر من ممل .. التفصيل الفصيل :) ومش محتاجين نزود عليه حاجة ..
بس حبيت اجيب حتة من " كتاب لماذا من حولك اغبياء ؟! " لدكتور شريف عرفة .. بتبين فعلا ان الكلمة مش وحشة في كل مكان بالطريقة دي ..
مثال ثالث:
لن أكلمك عن شعوب مختلفة في هذا المثال..
كنت مدعواً لحفل أنيق عند أصدقاء لي في الإسكندرية .. وكان الحفل وقوراً يضم الأهل الأقارب وما إلى ذلك ..
فوجئت برجل وقور - وسط الزوجات والأطفال- يقول في حماس:
" أحيه يا جماعة .. عرفتوا اللي حصل؟"
أحيه؟ تعجبت من أن يقول هذه الكلمة الغير لائقة.. إلا أنه حين حكى قصته، قالت إحدي الفتيات في دهشة :
" أحيه.. بتتكلم جد؟"
"أحيه . أمال بهزر؟"
أحيه - هكذا قلت لنفسي- كيف يستطيعون قول كلمة كهذه على الملآ؟
إلا أنني عرفت الموضوع .. فهذه الكلمة تقال كلمة عادية جداً في الإسكندرية ، ويقولها علية القوم هناك بلا مشاكل ..
لاحظ أنني لا أتكلم عن شعوب أخرى بل أكلمك عن مدينة أخرى في بلدك إن كنت مصرياً..
هذه الكلمة غير لائقة في القاهرة أما في الإسكندرية فهي كلمة عادية جداً!

--------------------------------------------------------------------
الخلاصة : مش اي لفظ تاخد عنه فكرة وحشة او حلوة من غير ما تعرف معناه .. انت كده بالظبط بتعمل نفس التصرف الي عمله الكفار لما قالو : "  إنا وجدنا آباءنا على أمة وإنا على آثارهم مهتدون  " بتعمل زيهم بالظبط :(
دمتم ،،


Share/Bookmark
rss