الأحد، 28 أغسطس 2011

البيبسي ليس سم قاتل ! ولا الإندومي كمان !

البيبسي ليس سم قاتل ! ولا الإندومي كمان ( مع الإعتذار للفيلم )
ممممممم .. السلام عليكم ورحمة الله وبركاته .. هتكلم النهاردة عن إشااعات بردو .. إشاعات مستفزة وعشان كده .. مفيش مقدمة :)هتكلم عن ( بيبسي - إندومي  )
أكمل قراءة التدوينة بقى :)
----
البيبسي به سم قاتل ! ( يادي الإستفزاز الي مش راضي يسيبنا في حالنا ! )

عاااااااااااااااااااااااااااجل اعلن مصدر مسئول داخل شركة بيبسى للمياه الغازية... ان الشركة وضعت مادة سامة فى البيبسى من غير ما يقصدوا والمادة دى هتسبب الوفاة ف الحال ياريت تبعت كمان الرسالة دى لكل اللى عندك يمكن تنقذ حياة واحد بدل ما تشيل ذنبه(الحياة اليوم)يا جماعة الكلام دة بجد والله انشرها على بروفايلات اصحابك كله انشرها علي كل الجروبات وهذا الخبر اعلن على قناة الحياة فى برنامج الحياة اليوم أن مادة البيبسي تسبب السرطان للمعدة والقولون والبروستات والمرارة والبنكرياس والفم والبلعوم والكلى والمثانة .....انقلوها قدر المستطاع يخوانا جزاكم الله خير …
رسالة انتشرت ع الفيسبوك .. بشوفها تقريبا من حوالي 3 شهور !! وبشرب بيبسي عادي مش بيحصل حاجة :)المهم بقى إن الناس مصممة تسدأ .. يعني ابقى مع واحد صاحبي بنجيب حاجة ساقعة يقوم يجيب عصير شوكلاتة عشان ميموتش .. وبعد ما شربت البيبسي قداموا بقى خايف عليا جدا وبيتصل بيا كل خمس دقايق يسالني بمنتهى السذاجة : ( مت ولا لسا ؟! ) !
وحاجة تانية شديدة الإستفزاز .. مستفزة فعلا يعني لأقصى الحدود
يقولك قاطع بيبسي عشان منتج اسرائيلي .. 
بتفكير اي ( عيل صغير ) 
 إسرائـــيــل تكونت وابتدآئت يوم : 14/5/1948
و شركة كوكــاكـــولا تكونت سنة : 1886
و شــركة البيبسي تكونت سنة : 1890

بأي عقل تقول انه منتج اسرائيلي ؟!
وواحد يطلع يقول كلمة بيبسي معناها : Pay Every Pence to Save Israel

لو اليهود وصلو لمستوى التفكير المتدني ده 
كان اكيد هيبقى مواضيع في منتدياتهم لمقاطعة البيبسي لأن معناه
pay every pound to save Islam

بس للأسف هما مش ساذجين للدرجة دي :\

 وده إثبات منطقي .. نرجع بالتاريخ شوية ..
ثيودور هيرتزل ( مؤسس حركة الصهيونية ) .. أول ما بدأ يتكلم خالص عن كيان لليهود كانت سنة 1896 .. وتم تأسيس حركة الصهيونية عامل 1897 .. ومكنش اسمها اسرائيل .. 
منطقيا .. لو التسمية دي صح .. يبقى الترجمة ( ادفع كل بنس لحفظ يعقوب ! ) لان اسرائيل هو إسم سيدنا يعقوب _ عليه السلام _
كلمة اسرائيل كدولة ظهرت 14/5/1948 !
ومعنى كلمة بيبسي أصلا (منقول :) :
أساس التسمية يأتي من إنزيم (الببسين) الموجود في المعدة والمساعد على الهضم وحيث أن البيبسي تحتوي على نسبة من هذا الإنزيم وكان يستخدم البيبسي قديما في علاج عسر الهضم وايضا تأتي الكلمه بمعنى الهضم في الإغريقيه .
ولو لسا مصمم إن الإسم ده وراه حاجة يبقى أكيد
pEople Piss is Secret Ingredient
بمعني : بول الناس هو المكون السري :P :P :P
----
وفي مقالة تانية مستفزة بردو .. بتقول لو شربت 6 لتر بيبسي هتموت فورا .. انا عاوز حد يقدر يشرب 6 لتر مية وميموتش فورا او على الأقل زايدتو تفرقع ..    وانا هقتنع !
وكمان إن البيبسي مصنوع من أمعاء الخنازير .. فكّر بس إزاي ممكن يعملوا مشروب من أمعاء الخنازير .. هي الخنازير دي ببلاش يعني ؟! لو البيبسي مصنوع من امعاء الخنازير مكنش زمانو باربعة جنيه ونص !
---------------------------------------------------------------------------------------------------------------------
الإندومي و عظام الحيونات !
أشارة الاستاذه أمل عبد المجيد الخبيرة في الطب الطبيعي , من المهم جدا ً أن يهتم الفرد بقراءة محتويات المواد الغذائية التي تباع في الاسواق , ويتجنب شراء أي طعام مكتوب علية كلمات غير مفهومه بالنسبة له فهذا أول الطريق نحو الابتعاد عن هذه السموم, كما أود أن أشير إلى خطورة ما يسمى بالأندومي هذا الطعام السام الذي يدخل فيه تركيبة الملح الصيني ( اجني موتو ) الذي يسبب تلفا ً في الخلايا المخ في و يسبب سرطان الدماغ , ومع الأسف الشديد يكاد لايخلو بيت من هذا الاندومي القاتل
فالإندومى وبدون مبالغة عبارة عن سم يسرى فى جسدك وبالذات فى مخك
وقد كنت قرأت فى مقالات على النت عن وجود دهن الخنزير فى مكونات نكهات الإندومى ولكنى إعتبرت أن هذه من الممكن أن تكون إشاعة وإستمريت فى تناوله
ولكن صدمت اليوم بمعرفة الحقيقة المفجعة
الإندومى يحتوى على مادة e621 وهى مكتوبة على ظهر الكيس وهذه المادة بعد البحث ظهر أنها تسبب تسمم المخ لأنها أخطر محسنات الطعم على الإطلاق
مخاطر هذه المادة على المخ أخطر من المخدرات لأنها تسبب تلف فى خلايا المخ الغير قابلة للتجدد وتسبب تراجع الذاكرة وضعفها وتدهور القدرات العقلية وفقدان القدرة على التركيز ومعالجة الأمور الحسابية أو الرياضية المتوسطة ثم تؤدى إلى غباء فعلى بدون مبالغة
كما تسبب أمراض عصبية تابعة لتلف خلايا المخ مثل الشلل الرعاش والزهايمر والصداع المزمن ومع الإستمرار فى تناولها تؤدى للسرطانات مثل سرطان الثدى وإرتفاع الكوليسترول وضغط الدم والأزمات القلبية الحادة وغير ذلك الكثير....كما أنها تسبب البدانة المرضية الغير قابلة للعلاج حتى مع الرياضة أو الأدوية لأن تغير فى تركيب الدهون فى الجسم .

-----
قريت كل الكلام الي فوق ده .. تعالى بقى نشوف أمل عبد المجيد دي تطلع ايه
http://www.dhkat.com/readnews--8--4777
دي واحد بتزاول المهنة من غير شهادة اختصاص .. وتسببت في وفاة ناس بسبب وصفات مضرة .. واقرا الخبر الي فوق !
ودي بقى إثباتات لإن كل كلامها ده غلط !Monosodiumglutamate - E621 -

في كلام اتقال إن الإندومي مصنوع من عظام الحيونات .. بحس إن الي بيقول كده بيكلم ناس جاهلة .. عظام الحيوانات ازاي بس ؟!
دي مراحل صناعة الإندومي الحقيقية
http://www.sawab-ltd.net/indomie/c-cat_4_1-2

:)
---------------------------------------------------------------------------------------------------------------------
طب ليه ؟! 
عشان منتج مشهور .. لازم تطلع عليه اشاعة .. زي الإشاعات الكتير الي بتطلع على المشاهير والفنانين .. زي الإشاعات الي كانت بتطلع على مبارك والي مفيش عقل يصدقها ( مع احترامي للحقائق بردو ) ..
متسدأش اي حاجة مفيش عليها دليل .. أبداّ


دمتم ،،

Share/Bookmark

ليست هناك تعليقات:

rss